కరోనా కాలంలో ఈ కామర్స్ దిగ్గజం అమెజాన్ ప్రైమ్ డే సేల్ ప్రకటించింది. ఆగస్టు 6, 7 తేదీల్లో సేల్ నిర్వహిస్తున్నట్లు తెలిపింది.
కరోనా వల్ల కొనేవాళ్లు లేక చిన్న వ్యాపారులు, చేతి వృత్తి కళాకారులు తీవ్రంగా నష్టపోయారు. వారికి ఈ సారి సేల్లో ప్రాధాన్యమిస్తున్నట్లు అమెజాన్ వెల్లడించింది. చిన్న వ్యాపారుల నుంచి కొనే ఉత్పత్తులపై అదనపు డిస్కౌంట్లు కూడా ఇవ్వనున్నట్లు పేర్కొంది.
ఆఫర్లు, ఉత్పత్తులు..
ప్రైమ్ డే సేల్లో 300లకుపైగా కొత్త ఉత్పత్తులు విక్రయానికి రానున్నాయని అమెజాన్ తెలిపింది.
స్మార్ట్ఫోన్లు, ల్యాప్టాప్లు, టీవీలు, ఫ్రిజ్లు సహా ఇతర ఎలక్ట్రానిక్ ఉపకరణాలు, గృహోపకరణాలపై భారీ ఆఫర్లు ఉండనున్నాయి. ఇతర నిత్యవసరాలపై కూడా భారీ తగ్గింపు ఉండనుంది.
అమెజాన్ పే నుంచి చెల్లింపులు చేసే వారికి రూ.2 వేల వరకు క్యాష్ బ్యాక్ రానుంది.
హెచ్డీఎఫ్సీ బ్యాంక్ కార్డులతో లావాదేవీలు జరిపే వారికి ప్రైమ్ డే ఆఫర్తో పాటు అదనంగా 10 శాతం డిస్కౌంట్ లభించనుంది.
ఇదీ చూడండి:వర్క్ ఫ్రం హోంకే 74% ఉద్యోగులు మొగ్గు!
