విద్యార్థులందరికీ భోజనం పెట్టకుండానే మెస్‌కు తాళం వేసి పోవటాన్ని నిరసిస్తూ సికింద్రాబాద్ పీజీ కళాశాల వసతి గృహ విద్యార్థులు ఆందోళన చేపట్టారు. తమ వసతి గృహంలో అనేక సమస్యలున్నాయని రోడ్డుపై బైఠాయించి నిరసన వ్యక్తం చేశారు. కళాశాల ప్రిన్సిపల్, కేర్ టేకర్ తమ సమస్యలను ఏమాత్రం పట్టించుకోవటం లేదని విద్యార్థులు ఆరోపించారు. హాస్టల్లోని డైనింగ్‌ హలు కిటికీ అద్దాలను ధ్వంసం చేశారు. నాన్బోర్డర్స్ ఉన్నారంటూ వసతి గృహంలో విద్యార్థుల సంఖ్యకు అనుగుణంగా భోజనం వండట్లేదని మండిపడ్డారు. కూరల్లో బల్లులు, బొద్దింకలు పడినా అలాగే వండుతున్నారని ఆగ్రహం వ్యక్తం చేశారు. తక్షణమే వీసీ స్పందించి ప్రిన్సిపల్పై చర్యలు తీసుకోవాలని డిమాండ్ చేశారు. విద్యార్థుల ఆవేదనకు స్పందించిన పోలీసులు... సొంత ఖర్చులతో భోజనం తీసుకొచ్చి పంచారు.
ఇవీ చూడండి: నేలవిడిచి సాము చేయవద్దు: కేసీఆర్ చురక
