బంగాల్లో దాదాపు రూ.12 కోట్లు విలువ చేసే పాము విషాన్ని అక్రమంగా నిల్వ చేసి ఉంచగా.. సరిహద్దు భద్రతా దళం(బీఎస్ఎఫ్) పట్టుకుంది. వరిపొలంలో ఓ గాజు పాత్రలో భద్రపరచగా అధికారులు స్వాధీనం చేసుకున్నారు. దక్షిణ దినాజ్పుర్ జిల్లా కుమార్గంజ్ ప్రాంతంలో ఈ ఘటన జరిగింది. కుమార్ గంజ్కు చెందిన 61 బెటాలియన్ జవాన్లు ఈ విషాన్ని స్వాధీనం చేసుకున్నారు.
బీఎస్ఎఫ్ జవాన్లు శనివారం రాత్రి గస్తీ నిర్వహిస్తుండగా ఈ విషంతో ఉన్న గాజు పాత్రను గుర్తించారు. అదే రాత్రి దీన్ని బలుర్ఘాట్ అటవీ శాఖ అధికారులకు అప్పగించారు. అయితే.. ఇప్పటివరకు ఈ కేసులో ఎవరినీ పోలీసులు అరెస్టు చేయలేదు. ఈ గాజు పాత్ర ఫ్రాన్సులో తయారైందని పోలీసులు చెప్పారు. దీనిపై దర్యాప్తు కొనసాగుతోందని పేర్కొన్నారు.
ఇదీ చూడండి: Viper Venom: ఈ పాము విషంతో కరోనా వైరస్కు మందు?
ఇదీ చూడండి: పాముల విషం కోసం భారీ డీల్- ఐదుగురు అరెస్టు
