UP Election 2022: ఉత్తరప్రదేశ్‌లో భాజపాను గద్దెదించి మరోసారి అధికారంలోకి రావాలని భావిస్తున్న సమాజ్వాదీ పార్టీకి చేయూత లభించింది. యూపీ శాసనసభ ఎన్నికల్లో ఎస్పీ- రాష్ట్రీయ లోక్‌దళ్‌ కూటమికి భారతీయ కిసాన్ యూనియన్ నేత జాతీయ అధ్యక్షుడు నరేశ్ టికాయిత్ మద్దతు ప్రకటించారు. ఉత్తర్ప్రదేశ్‌ ప్రజలు ఈ కూటమికి మద్దతు తెలుపుతారని ఆశిస్తున్నట్లు తెలిపారు.
ఎస్పీ- ఆర్ఎల్డీ కూటమి శనివారం రెండో విడత అభ్యర్థుల జాబితాను ప్రకటించింది. ఈ జాబితాలో ఉన్న ఏడుగురు అభ్యర్థులూ ఆర్ఎల్డీకి చెందిన వారే. ఇందుకు సంబంధించిన వివరాలు ఆల్ఎల్డీ సోషల్ మీడియాలో షేర్ చేసింది.
నూతన వ్యవసాయ చట్టాలను రద్దు చేయాలని డిమాండ్‌ చేస్తూ నరేశ్ సోదరుడు రాకేశ్ టికాయిత్ నేతృత్వంలో రైతు సంఘాలు దిల్లీ, ఉత్తరప్రదేశ్‌ సరిహద్దుల్లో ఏడాది పాటు ఆందోళన చేశాయి. ఈ ఆందోళనల్లో యూపీ నుంచి విచ్చేసిన రైతులు కూడా భారీ సంఖ్యలో పాల్గొన్నారు.
ఇదీ చూడండి : గోవా ప్రజలకు కేజ్రీవాల్ వరాలు.. ప్రతి కుటుంబానికి రూ.10 లక్షలు!
