Dwarves Wedding In Bihar : 3.5 అడుగులున్న యువకుడు, నాలుగు ఫీట్ల ఎత్తున్న యువతి వివాహా బంధంలోకి అడుగుపెట్టారు. ఈ మరుగుజ్జుల పెళ్లి బిహార్లో సారణ్ జిల్లాలో జరిగింది. బంధుమిత్రుల సమక్షంలో.. సంప్రదాయబద్దంగా స్థానిక గాధాదేవి ఆలయంలో మరుగుజ్జు వధూవరులు ఒక్కటయ్యారు.
ఇదీ కథ
లెరువా ప్రాంతానికి చెందిన రోహిత్ శారీరకంగా ఎదగలేదు. కేవలం 3.5 అడుగుల మాత్రమే ఉంటాడు. దీంతో అతడ్ని పెళ్లి చేసుకునేందుకు ఎవరూ ముందుకు రాలేదు. అయినా రోహిత్ పెళ్లి చేసేందుకు పట్టువిడవకుండా ప్రయత్నాలు చేశారు అతని కుటుంబ సభ్యులు. ఈ తరుణంలోనే.. సారణ్ జిల్లాలోని ఖబ్సీ ప్రాంతానికి చెందిన నేహా గురించి వారికి తెలిసింది. ఆమె కూడా కేవలం నాలుగు అడుగులు మాత్రమే ఉందని సమాచారం అందింది. నేహా కుటుంబ సభ్యులు సైతం వరుడి కోసం వెతుకుతున్నట్లు తెలిసింది.
దీంతో ఆలస్యం చేయకుండా నేహా కుటుంబాన్ని సంప్రదించారు రోహిత్ కుటుంబ సభ్యులు. ఇరువురి కుటుంబ సభ్యులు రోహిత్, నేహా పెళ్లి చేసేందుకు అంగీకరించారు. ఈ పెళ్లికి ఇరువురి కుటుంబ సభ్యుల బంధువులు హాజరయ్యారు. అనంతరం మరుగుజ్జుల పెళ్లి చూసి తమ సంతోషాన్ని వ్యక్తం చేశారు. మథురాలోని జవహర్‌లాల్ నెహ్రూ కళాశాలలో.. రోహిత్ ఇంటర్మీడియట్ పూర్తి చేసినట్లు అతడి సోదరుడు అమర్కుమార్ తెలిపాడు. ఎత్తు కారణంగా రోహిత్ వేధింపులు, వివక్షను ఎదుర్కొన్నాడని అమర్ కుమార్ వివరించాడు. తన సోదరుడి వివాహం జరిగినందుకు అమర్ ఆనందాన్ని వ్యక్తం చేశాడు. నేహా కేవలం ఐదో తరగతి మాత్రమే చదువుకుందని.. అయినా ఆమె చాలా తెలివైనదని ఆమె కుటుంబ సభ్యులు తెలిపారు.
ఒక్కటైన మరుగుజ్జు జంట.. అంగరంగ వైభవంగా పెళ్లి..
Unique Wedding In Uttarpradesh : కొద్ది రోజుల క్రితం ఉత్తర్ప్రదేశ్లోనూ ఓ మరుగుజ్జు జంట వివాహ బంధంతో ఒక్కటైంది. అలీగఢ్ జిల్లాలోని జీవన్గఢ్ ప్రాంతానికి చెందిన 26 ఏళ్ల ఇమ్రాన్ ఏడుగురు తోబుట్టువుల్లో చిన్నవాడు. ఇమ్రాన్ పొడవు కేవలం 3 అడుగుల 4 అంగుళాలే. దీంతో ఇమ్రాన్కు తగ్గ వధువు దొరకడం కష్టంగా మారింది. ఇమ్రాన్ హాటల్లో పనిచేస్తూ.. తన తల్లి బిర్జిస్తో కలిసి ఉంటున్నాడు. ఇమ్రాన్కు తగ్గ వధువు కోసం కుటుంబసభ్యులు వెతికే పనిలో ఉండగా.. తల్లి బిర్జిస్కు పట్వారీ నాగ్లాలోని భగవాన్గడి ప్రాంతానికి చెందిన 3 అడుగుల పొడవుండే ఖుష్బూ గురించి తెలిసింది. వెంటనే ఇమ్రాన్ తల్లి.. ఖుష్బూ కుటుంబసభ్యులతో మాట్లాడింది. వారు కూడా పెళ్లికి అంగీకరించారు. ఆదివారం జరిగే పెళ్లి కోసం ఇమ్రాన్ను అతని కుటుంబసభ్యులు తలపాగాతో పాటుగా.. నోట్ల దండ వేసి వరుడిగా ముస్తాబు చేశారు. ఆదివారం ఇరువురి కుటుంబసభ్యుల ఆధ్వర్యంలో వీరి వివాహం అంగరంగ వైభవంగా జరిగింది. వీడియో కోసం ఇక్కడ క్లిక్ చేయండి.
