Udhayanidhi Stalin Statement : తమిళనాడు సీఎం స్టాలిన్ తనయుడు, ఆ రాష్ట్ర యువజన, క్రీడాశాఖ మంత్రి ఉదయనిధి స్టాలిన్ సనాతన ధర్మాన్ని ఉద్దేశించి చేసిన వ్యాఖ్యలు రాజకీయ ప్రకంపనలు సృష్టిస్తున్నాయి. సనాతన ధర్మాన్ని ఉద్దేశించి ఆయన చేసిన వ్యాఖ్యలను బ్రాహ్మణ, హిందూ సంఘాలతోపాటు భారతీయ జనతా పార్టీ తీవ్రంగా వ్యతిరేకిస్తున్నాయి. చెన్నైలో శనివారం జరిగిన తమిళనాడు ప్రగతిశీల రచయితలు, కళాకారుల సంఘం సమావేశానికి ముఖ్యఅతిథిగా హాజరైన ఉదయనిధి స్టాలిన్.. సనాతన ధర్మాన్ని వ్యతిరేకించటం కాకుండా దాని నిర్మూలన కోసం పనిచేయాలని పిలుపునిచ్చారు.
Udhayanidhi Stalin Speech Latest : సనాతనం అంటే సమానత్వం, సామాజిక న్యాయానికి వ్యతిరేకం తప్ప మరొకటి కాదని ఉదయనిధి అన్నారు. సనాతనం అంటే శాశ్వతమైనదని, అది ప్రజలను కులాల వారీగా విభజిస్తుందని ఉదయనిధి స్టాలిన్ ఆరోపించారు. తన తాత, దివంగత సీఎం కరుణానిధి అన్ని కులాల వారు ఆలయ పూజారులు అయ్యేందుకు చట్టం తెచ్చారని, తన తండ్రి, ప్రస్తుత సీఎం స్టాలిన్ అర్చక శిక్షణ పొందిన అన్ని కులాల వారిని ఆలయ పూజారులుగా నియమించారన్నారు. ద్రవిడ నమూనా అంటే ఇదేనని ఉదయనిధి కితాబు ఇచ్చారు.
'క్షమాపణ చెప్పాలి'.. హిందూ సంఘాల డిమాండ్..
ఉదయనిధి స్టాలిన్ వ్యాఖ్యలపై బ్రాహ్మణ సంఘాలు, విశ్వహిందూ పరిషత్‌ తీవ్రంగా మండిపడుతున్నాయి. సనాతన ధర్మాన్ని ఎవరూ అంతం చేయలేరని.. అఖిల కర్ణాటక బ్రాహ్మణ మహాసభ పేర్కొంది. సనాతన ధర్మం.. సంతోషం, శ్రేయస్సుకు నిదర్శనమని తెలిపింది. ఎన్నో మతాలు ఆవిర్భవించి .. అంతమయ్యాయని, సనాతన ధర్మం అంతమైతే పుట్టుకే ఉండదని అఖిల కర్ణాటక బ్రాహ్మణ మహాసభ ప్రతినిధులు హెచ్చరించారు. ఉదయనిధి స్టాలిన్ వ్యాఖ్యలను హిందూ సంఘాలు ముక్తకంఠంతో వ్యతిరేకించాలని, దేశ ప్రజలకు ఆయన క్షమాపణలు చెప్పాలని డిమాండ్ చేశారు.
ఉదయనిధి చేసిన వ్యాఖ్యలు ఓ మతాన్ని రెచ్చగొట్టేలా, అవమానించేలా ఉన్నాయని.. సుప్రీంకోర్టు న్యాయవాది వినీత్ జిందాల్ దిల్లీ పోలీసులకు ఫిర్యాదు చేశారు. మత విశ్వాసాలను దెబ్బతీసేలా మాట్లాడిన ఆయనపై చర్యలు తీసుకోవాలని.. కోరారు. ఎమ్మెల్యేగా, మంత్రిగా ప్రమాణం చేసిన ఉదయనిధి అన్నిమతాలను సమానంగా చూడకుండా ఉద్దేశపూర్వకంగా ఒక మతాన్ని కించపరిచేలా మాట్లాడారని న్యాయవాది వినీత్ జిందాల్ ఆరోపించారు.
వారసత్వ, అహంకార గర్వంతో చేసిన వ్యాఖ్యలివి! : అమిత్ షా
సనాతన ధర్మాన్ని నిర్మూలించాలంటూ డీఎంకే మంత్రి ఉదయనిధి స్టాలిన్ చేసిన వ్యాఖ్యలను కేంద్ర హోంశాఖ మంత్రి అమిత్‌షా ఖండించారు. ఉదయనిధిపై తీవ్రస్థాయిలో మండిపడ్డారు. ఇండియా కూటమి హిందుత్వాన్ని అవహేళన చేస్తోందని, దేశ వారసత్వంపై దాడికి పాల్పడుతోందని విమర్శించారు. ఇండియా కూటమి తరఫునే ఉదయనిధి స్టాలిన్ ఆ వ్యాఖ్యలు చేశారని అమిత్ షా ఆరోపించారు. వారసత్వ, అహంకార కూటమి గర్వంతో ఇలాంటి వ్యాఖ్యలు చేయటానికి సంకోచించటం లేదని తీవ్రస్థాయిలో ధ్వజమెత్తారు.
-
कांग्रेस पार्टी के अध्यक्ष कहते हैं कि मोदी जी जीतेंगे तो सनातन का राज आएगा। अरे खरगे जी, सनातन धर्म तो लोगों के दिलों में है और हमेशा रहेगा। pic.twitter.com/fy4phrSABv
— Amit Shah (@AmitShah) September 3, 2023 " class="align-text-top noRightClick twitterSection" data="
">कांग्रेस पार्टी के अध्यक्ष कहते हैं कि मोदी जी जीतेंगे तो सनातन का राज आएगा। अरे खरगे जी, सनातन धर्म तो लोगों के दिलों में है और हमेशा रहेगा। pic.twitter.com/fy4phrSABv
— Amit Shah (@AmitShah) September 3, 2023कांग्रेस पार्टी के अध्यक्ष कहते हैं कि मोदी जी जीतेंगे तो सनातन का राज आएगा। अरे खरगे जी, सनातन धर्म तो लोगों के दिलों में है और हमेशा रहेगा। pic.twitter.com/fy4phrSABv
— Amit Shah (@AmitShah) September 3, 2023
-
INDI Alliance के नेता वोट बैंक और तुष्टीकरण की राजनीति के लिए हिन्दू धर्म को समाप्त करना चाहते हैं। pic.twitter.com/w2y7tiDfao
— Amit Shah (@AmitShah) September 3, 2023 " class="align-text-top noRightClick twitterSection" data="
">INDI Alliance के नेता वोट बैंक और तुष्टीकरण की राजनीति के लिए हिन्दू धर्म को समाप्त करना चाहते हैं। pic.twitter.com/w2y7tiDfao
— Amit Shah (@AmitShah) September 3, 2023INDI Alliance के नेता वोट बैंक और तुष्टीकरण की राजनीति के लिए हिन्दू धर्म को समाप्त करना चाहते हैं। pic.twitter.com/w2y7tiDfao
— Amit Shah (@AmitShah) September 3, 2023
"ఏమాత్రం సంకోచం లేకుండా సనాతన ధర్మానికి వ్యతిరేకంగా మాట్లాడుతున్నారు. రెండురోజుల నుంచి మీరు ఈ దేశ సంస్కృతిని, చరిత్రను, సనాతన ధర్మాన్ని అవమానిస్తున్నారు. ఈ నాయకులు ఓటుబ్యాంకు, బుజ్జగింపు రాజకీయాల కోసం సనాతన ధర్మాన్ని అంతం చేయాలని అంటున్నారు. మన సంస్కృతిని, చరిత్రను, సనాతన ధర్మాన్ని అవమానించటం ఇది మొదటిసారి కాదు. సనాతన ధర్మాన్ని వ్యతిరేకించటం కాదు నిర్మూలించాలని ఉదయనిధి స్టాలిన్ అంటున్నారు. అంటే సనాతన ధర్మాన్ని అంతం చేయాలని సూచిస్తున్నారు. దోమలు, మలేరియా, డెంగ్యూ, కరోనాను అంతమొందినట్లుగానే సనాతన ధర్మాన్ని అంతం చేయాలని సూచిస్తున్నారు.
--అమిత్ షా, కేంద్ర హోంశాఖ మంత్రి
నేను దేనికైనా రెడీ : ఉదయనిధి స్టాలిన్
Sanatana Dharma Is Like Malaria : సనాతన ధర్మాన్ని ఉద్దేశించి తాను చేసిన వ్యాఖ్యలను.. తమిళనాడు సీఎం స్టాలిన్ తనయుడు, ఆ రాష్ట్ర మంత్రి ఉదయనిధి స్టాలిన్ సమర్థించుకున్నారు. కరోనా, డెంగ్యూ, దోమల వల్ల కలిగే మలేరియా వంటి రోగాలు ప్రబలినట్లుగానే.. సనాతన ధర్మం ఎన్నో సామాజిక రుగ్మతలకు కారణమని ఆరోపించారు. ఈ విషయమై ఎలాంటి సవాళ్లనైనా ఎదుర్కొనేందుకు సిద్ధంగా ఉన్నట్లు చెప్పారు. అందుకు కోర్టులో అయినా లేదా ప్రజా కోర్టులోనైనా ఎదుర్కొనేందుకు సిద్ధమని తెలిపారు. అసత్యాల వ్యాప్తిని ఆపాలని ఉదయనిధి స్టాలిన్ కోరారు.
