త్రిపురలో ఘోర రోడ్డు ప్రమాదం జరిగింది. శుక్రవారం మధ్యాహ్నం అమర్‌పూర్ తాలూకా బీర్‌గాన్ పోలీస్ స్టేషన్ పరిధిలోని లార్కిర్ డుకాన్ వద్ద జరిగిన ఈ ప్రమాదంలో ఐదుగురు మృతి చెందారు. మరో 17 మంది తీవ్రంగా గాయపడ్డారు. వీరిని అమర్‌పూర్ ఆసుపత్రికి తరలించారు.
ముఖ్యమంత్రి బిప్లవ్ కుమార్ దేవ్ నిర్వహించిన భాజపా ఎన్నికల ప్రచారంలో పాల్గొన్న వీరంతా.. ట్రక్కులో ప్రయాణిస్తున్నట్లు పోలీసులు తెలిపారు. ఘాట్రోడ్డుపై వేగంగా వెళ్తున్న వాహనం అదుపుతప్పి ఉండొచ్చని ప్రబీర్ పాల్ అనే పోలీసు అధికారి వివరించారు.
పార్టీ కార్యకార్తల మరణంపై ముఖ్యమంత్రి బిప్లవ్ సంతాపం వ్యక్తం చేశారు. వారి కుటుంబాలకు ప్రగాఢ సానుభూతి ప్రకటించారు. గాయపడిన వ్యక్తులు త్వరగా కోలుకోవాలని ప్రార్థించారు.
ఇదీ చదవండి: చేతిలో డబ్బు లేకున్నా ఎన్నికల బరిలోకి గొగొయ్
