Taj Mahal ticket counter: దేశంలో కరోనా మహమ్మారి మరోమారు పంజా విసురుతోంది. ఒమిక్రాన్ వేరియంట్తో కేసుల సంఖ్య భారీగా నమోదవుతోంది. ఈ ప్రభావం ఉత్తర్ప్రదేశ్, ఆగ్రాలోని తాజ్మహల్, ఆగ్రా కోట సందర్శనలపై పడింది. కేసులు పెరుగుతున్న నేపథ్యంలో.. మాన్యూవల్ టికెట్ కౌంటర్లను మూసివేశారు అధికారులు.
భారీగా జనం గుమిగూడుతున్న నేపథ్యంలో ఈ నిర్ణయం తీసుకున్నట్లు చెప్పారు ఆర్కియాలజిస్ట్ డాక్టర్ రాజ్కుమార్. సందర్శనను పూర్తిగా నిలిపివేయలేదని స్పష్టం చేశారు.
" టికెట్ కౌంటర్ల వద్ద భారీగా జనం చేరుతున్నారు. దాంతో.. మాన్యువల్ టికెట్ కౌంటర్లను మూసివేయాలని నిర్ణయించాం. అయితే, చారిత్రక కట్టడాల సందర్శన పూర్తిగా నిలిపివేయలేదు."
- డాక్టర్ రాజ్ కుమార్ పటేల్, సూపరింటెండింగ్ ఆర్కియాలజిస్ట్.
ఉత్తర్ప్రదేశ్లో సోమవారం 514 కొవిడ్-19 కేసులు వచ్చాయి. ఇప్పటి వరకు రాష్ట్రంలో 8 ఒమిక్రాన్ కేసులు బయపడినట్లు ఆ రాష్ట్ర ఆరోగ్య శాఖ తెలిపింది.
ఇదీ చూడండి: ముంబయిలో కరోనా విలయం- తొలిరోజు 40 లక్షల మంది టీనేజర్లకు టీకా
