ఇటీవల ఈడీ, సీబీఐ డైరెక్టర్ల పదవీ కాలానికి సంబంధించి కేంద్రం జారీ చేసిన ఆర్డినెన్స్లను (Randeep Surjewala News) తప్పుపడుతూ కాంగ్రెస్ నేత రణ్దీప్ సుర్జేవాలా సుప్రీంకోర్టులో వ్యాజ్యం దాఖలు చేశారు. ఈనెల 14న తీసుకొచ్చిన ఈ ఆర్డినెన్స్ల అమలును (Randeep Surjewala News) తాత్కాలికంగా నిలిపివేయాలని విజ్ఞప్తి చేశారు. ఈ ఆర్డినెన్స్లు అధికార దుర్వినియోగానికి ఉదాహరణగా నిలుస్తున్నాయని.. దర్యాప్తు సంస్థల స్వతంత్రతపై న్యాయస్థానాల ఆదేశాలను ఉల్లంఘించినట్లే అని ఆరోపించారు.
"ఈ ఆర్డినెన్స్లకు సంబంధించి ఎలాంటి వివరాలు వెల్లడించలేదు. కారణం అడిగితే ప్రజా ప్రయోజనాలను దృష్టిలో ఉంచుకుని ఈ నిర్ణయం తీసుకున్నాము అంటారు. కానీ నిజానికి ఈ నిర్ణయం వారి సొంతప్రయోజనాల కోసం తీసుకున్నది. ఇది దర్యాప్తు సంస్థల స్వాతంత్ర్యంపై తీవ్ర ప్రభావం చూపిస్తుంది."
-రణ్దీప్ సుర్జేవాలా, కాంగ్రెస్ నేత
కేంద్రం నిర్ణయాన్ని తప్పుపడుతూ తృణమూల్ కాంగ్రెస్ నేత, ఎంపీ మోహువా మోయిత్రా కూడా సుప్రీంకోర్టులో పిటిషన్ దాఖలు చేశారు.
ఈనెల 14న సీబీఐ, ఈడీ డైరెక్టర్ల పదవీల కాలంపై ఉన్న నిబంధనలను సడలిస్తూ.. కేంద్రం రెండు ఆర్డినెన్స్లను జారీ చేసింది. వీటి అమలు ద్వారా సంబంధిత దర్యాప్తు సంస్థల డైరెక్టర్ల తొలి రెండేళ్ల పదవీ కాలం కాకుండా మరో మూడేళ్ల పాటు వారి సేవలను కేంద్రం పొడిగించవచ్చు.
పదవీ కాలం పొడిగింపు..
ఈడీ డైరెక్టర్గా సంజయ్ మిశ్ర పదవీ కాలాన్ని పొడిగిస్తూ కేంద్రం బుధవారం ఆదేశాలు చేసింది. మరో ఏడాది పాటు మిశ్ర ఈడీ డైరెక్టర్గా కొనసాగుతారని స్పష్టం చేసింది.
ఇదీ చూడండి : 'దెయ్యం భయంతో కానిస్టేబుల్ ఆత్మహత్య- ఇంట్లో ఉరేసుకుని...'
