ట్రిమ్మర్లో దాచి రూ.24 లక్షల విలువైన బంగారం స్మగ్లింగ్
Smuggled Gold Seized: జైపుర్ అంతర్జాతీయ విమానాశ్రయంలో విదేశీ బంగారం స్మగ్లింగ్ చేస్తుండగా కస్టమ్స్ అధికారులు స్వాధీనం చేసుకున్నారు. షార్జా నుంచి జైపుర్ వచ్చిన ఒక ప్రయాణికుడికి చెందిన లగేజిని అనుమానంతో కస్టమ్స్ అధికారులు తనిఖీ చేశారు. షేవింగ్ చేసుకునే ట్రిమ్మర్లో దాచుకుని 491 గ్రాముల బంగారం తెచ్చినట్లు అధికారులు గుర్తించారు. దీని విలువ రూ.24 లక్షలు ఉంటుందని చెప్పారు.
నిందితుడి లగేజీని ఎక్స్రే యంత్రంతో స్కాన్ చేసినప్పుడు నల్లని ఛాయలు కనిపించాయని అధికారులు తెలిపారు. ఈ మేరకు అనుమానంతో ట్రిమ్మర్ను బద్దలు కొట్టగా.. కార్బన్ ప్లాస్టిక్తో చుట్టి ఉన్న బంగారం బిస్కట్లను ట్రిమ్మర్లో దాచినట్లు తెలుసుకున్నారు. నిందితున్ని అరెస్టు చేసి బంగారాన్ని స్వాధీనం చేసుకున్నారు.
ఇదీ చదవండి: ఆ రికార్డులు నాశనం చేసేందుకే.. కోర్టులో బాంబు దాడి!
