RRB NTPC protest: ఆర్ఆర్బీ ఎన్టీపీసీ పరీక్షల్లో అవకతవకలు జరిగాయని ఆరోపిస్తూ.. పలు విద్యార్థి సంఘాలు రాష్ట్ర బంద్కు పిలుపునిచ్చాయి. ఆర్జేడీ, కాంగ్రెస్‌, వామపక్షాల మహాకూటమి ఈ బంద్కు మద్దతు ప్రకటించింది. ఫిర్యాదులను పరిశీలించేందుకు కేంద్ర రైల్వే మంత్రిత్వ శాఖ కమిటీ ఏర్పాటు చేసినప్పటికీ నిరసనకారులు ఆందోళనను విరమించలేదు. అంతేగాకుండా ఈ కమిటీ ఏర్పాటు చేయడం ఒట్టి బూకటంగా పేర్కొన్నాయి.
ఉత్తర్ప్రదేశ్లో ఎన్నికలు పూర్తయ్యే వరకు ఈ విషయాన్ని పక్క దోవ పట్టించేందుకే కమిటీ ఏర్పాటు చేసినట్లు విద్యార్థి సంఘం ఏఐఎస్ఏ ప్రధాన కార్యదర్శి, ఎమ్మెల్యే సందీప్ సౌరవ్ ఆరోపించారు. అభ్యర్థులు అడుగుతున్న ప్రశ్నలకు కచ్చితంగా శాఖాధికారులు సమాధానం చెప్పి తీరాలని అన్నారు. రాష్ట్రంలో నెలకొన్న నిరుద్యోగంతో ఇప్పటికే విద్యార్థులు సతమతమవుతున్నారని తెలిపారు. యూపీలో ఎన్నికలు జరుగుతున్న సమయంలో పుట్టుకొచ్చిన ఈ ఉద్యమాన్ని ఆపేందుకు కమిటీ పేరుతో ప్రభుత్వం నాటకాలాడుతుందన్నారు. ఈ కారణంగా ఎన్నికలు పూర్తయ్యేవరకు సమస్యను వాయిదా వేసేందుకు కేంద్ర ప్రభుత్వం, రైల్వే శాఖ కుట్ర పన్నుతున్నాయని మండిపడ్డారు.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చూడండి: ఆగ్రహంతో రైలు తగలబెట్టిన అభ్యర్థులు- ఆర్ఆర్బీ పరీక్షలు వాయిదా
మహారాష్ట్ర, కర్ణాటకలో శాంతించిన కరోనా.. కేరళలో వైరస్ ఉద్ధృతి
