Road Accident: ట్రక్కు - ట్రాక్టర్ ఢీ కొన్న ఘటనలో ఐదుగురు ప్రాణాలు కోల్పోయారు. మరో 17 మంది తీవ్రంగా గాయపడ్డారు. ఛత్తీస్గఢ్లోని గరియాబంద్ సమీపంలోని జాతీయ రహదారిపై ఈ దుర్ఘటన జరిగింది.
ఘటనాస్థలానికి చేరుకున్న అధికారులు సహాయక చర్యలు చేపట్టారు. క్షతగాత్రులను ఆస్పత్రికి తరలించారు. ఈ ఘటనపై దర్యాప్తు ప్రారంభించారు. ఈ ప్రమాదానికి గల కారణాలు తెలియాల్సి ఉంది.
నష్ట పరిహారం
గరియాబంద్ ఘటనపై స్పందించిన ముఖ్యమంత్రి భూపేశ్ బఘేల్ సంతాపం వ్యక్తం చేశారు. మృతుల కుటుంబాలకు రూ. 2 లక్షల చొప్పున నష్ట పరిహారం ఇస్తామని.. గాయపడిన వారికి రూ. 50వేల చొప్పున అందిస్తామని ప్రకటించారు. జిల్లా యంత్రాంగం పర్యవేక్షణలో బాధితులకు మెరుగైన చికిత్సను అందిస్తామని స్పష్టం చేశారు.
ఇదీ చూడండి : అశ్వమే వాహనం.. పెట్రోల్ ధరలు భరించలేక గుర్రంపైనే..
