Rate Bite Patient : ఐసీయూలో చేరిన ఓ రోగి పాదాలను ఎలుకలు కొరికిన ఘటన ఉత్తరప్రదేశ్లోని బదాయూలో జరిగింది. ఆస్పత్రి సిబ్బంది నిర్లక్ష్యం కారణంగా అపస్మారక స్థితిలో ఉన్న రోగి పాదాలను ఎలుకలు గాయపరిచాయి. రోగి పాదాలకు సిబ్బంది కట్టుకట్టి ఈ విషయాన్ని దాచిపెట్టారు.
అసలేం జరిగిందంటే?
దాతాగంజ్లోని బుధ్బజార్ ప్రాంతానికి చెందిన రామ్సేవక్ గుప్తా.. జూన్7వ తేదీన జరిగిన ఓ ప్రమాదంలో తీవ్రంగా గాయపడ్డారు. ఆ తర్వాత అతడిని దిల్లీలో ఆస్పత్రి చేర్పించారు. అత్యవసరంగా చికిత్స ఇప్పించారు. అయినా అతడు కోలుకోలేదు. దీంతో జూన్ 30న బదాయూలోని వైద్య కళాశాలలో చేర్పించారు. అక్కడ గుప్తాను ఐసీయూ వార్డుకు తరలించారు. అపస్మారక స్థితిలో ఉన్న రోగి పాదాలను ఎలుకలు కొరికాయి. ఈ విషయాన్ని దాచిపెట్టి ఐసీయూ సిబ్బంది రోగికి కట్టుకట్టారు. తాజాగా ఈ విషయం బయటకు వచ్చింది.
'ఆస్పత్రి అంతా ఎలుకలే!'
మూడు నాలుగు రోజుల క్రితం ఎలుకలు.. బాధితుడి కాళ్లను కొరికాయని రోగి సోదరుడు రామ్గుప్తా చెప్పాడు. తరువాత రక్తం రావటం మొదలైందని, ఐసీయూ సిబ్బంది.. తన సోదరుడి పాదాలకు కట్టుకట్టారని తెలిపాడు. ఆస్పత్రిలో చాలా ఎలుకలు ఉన్నాయని అన్నాడు.
'కఠిన చర్యలు తీసుకుంటాం'
ఈ ఘటనపై వైద్యకళాశాల ప్రిన్సిపల్ డాక్టర్ ఎన్సీ ప్రజాపతి స్పందించారు. సమగ్ర దర్యాప్తు చేస్తున్నామని తెలిపారు. నిర్లక్ష్యంగా వ్యవహరించిన వారిని గుర్తిస్తామని, కఠిన చర్యలు తీసుకుంటామని చెప్పారు. ఆక్సిజన్ పైప్లైన్ ద్వారా ఎలుకలు వచ్చాయని, మరమ్మతులు చేస్తున్నామని వెల్లడించారు.
రోగి కంటిని కొరికిన ఎలుక
కొన్నిరోజుల క్రితం.. రాజస్థాన్లో కూడా వైద్యుల నిర్లక్ష్యం బట్టబయలైంది. కోటాలోని ఓ ప్రభుత్వ ఆస్పత్రిలో చికిత్స పొందుతున్న మహిళను ఎలుకలు కరిచాయి. ఆస్పత్రి వర్గాలు మాత్రం ఈ ఘటనను కప్పిపుచ్చేందుకు శాయశక్తులా ప్రయత్నించాయి.
మహారావ్ భీమ్సింగ్ వైద్య కళాశాలలో రూపవతి అనే ఓ మహిళా రోగి ఐసీయూలో చికిత్స పొందుతోంది. పక్షవాతం వ్యాధితో ఆమె ఆస్పత్రిలో చేరింది. శరీరంలోని ఏ భాగాన్నీ ఆమె స్వయంగా కదిలించలేదు. కాగా, సోమవారం మధ్యాహ్నం 3 గంటలకు ఆమె కంటిని ఎలుక కొరికింది. ఆ తర్వాత ఏం జరిగిందో తెలియాలంటే ఇక్కడ క్లిక్ చేయండి.
