ద్విచక్ర వాహనం ఫ్యూయల్ ట్యాంక్(Bike Blast) పేలి ఓ యువకుడికి తీవ్రంగా గాయాలయ్యాయి. ఈ ఘటన పంజాబ్(Punjab Bike Blast) ఫాజిల్కా జిల్లాలో జరిగింది.
ఇదీ జరిగింది..
బుధవారం సాయంత్రం ఫిరోజ్పుర్కు చెందిన బల్విందర్ సింగ్ తన బంధువులను కలిసేందుకు వెళ్తుండగా ద్విచక్రవాహనం పెట్రోల్ ట్యాంక్(Bike Blast) పేలినట్లు పోలీసులు తెలిపారు. బాధితుడు జలాలాబాద్ ఓల్డ్ సబ్జీ మండి నుంచి బ్యాంక్ రోడ్వైపు వెళ్తుండగా ఈ ప్రమాదం జరిగినట్లు స్పష్టం చేశారు.
బల్విందర్ బ్యాంక్ సమీపంలోకి చేరుకోగానే ట్యాంక్ పేలి అతడికి తీవ్రంగా గాయాలయ్యాయి. ఈ క్రమంలో బాధితుడిని ఫరీద్కోట్ మెడికల్ కాలేజ్ ఆసుపత్రికి తరలించినట్లు పోలీసులు పేర్కొన్నారు.
జాతీయ దర్యాప్తు సంస్థ(ఎన్ఐఏ) అధికారుల బృందం, చండీగఢ్ ఫోరెన్సిక్ బృందం ఇప్పటికే ఘటనా స్థలానికి చేరుకున్నాయని పంజాబ్ ఐజీ జితేందర్ సింగ్ తెలిపారు. ఘటనపై దర్యాప్తు చేస్తున్నట్లు వెల్లడించారు.
ఇదీ చదవండి:Meerut news: 130 రోజుల తర్వాత కొవిడ్‌ నుంచి కోలుకొని..
