Principal Slaps Male Teacher: ఉత్తర్ప్రదేశ్ బలియా జిల్లా సావన్లో షాకింగ్ ఘటన జరిగింది. ప్రాథమిక పాఠశాలలో పనిచేసే మహిళా ప్రిన్సిపల్, టీచర్కు మధ్య వాగ్వాదం.. భౌతిక దాడులకు దారితీసింది. ఆగ్రహానికి లోనైన మహిళా ప్రిన్సిపల్.. ఆ ఉపాధ్యాయుడిపై చేయిచేసుకున్నారు. ఆయనను చెప్పుతో కొట్టారు. ఈ వీడియో సామాజిక మాధ్యమాల్లో వైరల్ అయింది.
ఏం జరిగిందంటే?
సావన్లోని ప్రభుత్వ పాఠశాలలో మార్చి 9న ఓ కార్యక్రమం నిర్వహించారు. అందులో స్కూల్ ప్రిన్సిపల్ రంజనా పాండే పాల్గొన్నారు. అదే పాఠశాలలో పనిచేస్తున్న టీచర్ మానవేంద్ర్ మైకులో మాట్లాడుతుండగా.. ఒక్కసారిగా మైకు లాగేసుకున్నారు రంజనా పాండే. ఈ క్రమంలో ఇరువురి మధ్య వాగ్వాదం జరిగింది. దీంతో ప్రిన్సిపల్.. మానవేంద్ర్పై చేయిచేసుకున్నారు. ఆయన్ను చెప్పుతో కొట్టారు. వెంటనే అప్రమత్తమైన అక్కడివారు.. వాళ్లిద్దరినీ పక్కకు తీసుకెళ్లారు. ఈ వీడియో సామాజిక మాధ్యమాల్లో వైరల్ అయింది. ఈ వ్యవహారాన్ని సీరియస్గా తీసుకున్న ఉన్నతాధికారులు ఇరువురినీ సస్పెండ్ చేసి.. దర్యాప్తు చేపట్టారు.
ఇదీ చూడండి: కబడ్డీ ఆటగాడిని కాల్చిచంపిన దుండగులు
