కరోనా రెండో దశ ఉద్ధృతి భీకరంగా మారిన వేళ ప్రధానమంత్రి నరేంద్ర మోదీ విదేశీ పర్యటనలపై నీలినీడలు కమ్ముకున్నాయి. భారత్-ఈయూ సదస్సు కోసం మే 8న ప్రధాని పోర్చుగల్ వెళ్లాల్సిఉంది. అనంతరం ద్వైపాక్షిక చర్చల కోసం ఫ్రెంచ్ అధ్యక్షుడు ఇమ్మాన్యూయేల్ మేక్రాన్తో భేటీ అయ్యేందుకు.. ఫ్రాన్స్లో పర్యటించాల్సి ఉంది. అయితే ఈ రెండు పర్యటనలు జరిగే అవకాశం లేదని విశ్వసనీయవర్గాల సమాచారం.
మోదీ పర్యటనలపై విదేశాంగ శాఖ నుంచి ఎలాంటి అధికారిక ప్రకటన లేదు. దేశంలో కరోనా పరిస్థితిపై సమీక్షించేందుకు సంబంధిత శాఖలతో మోదీ వరుస సమావేశాలు నిర్వహిస్తున్నారు. ఈ నేపథ్యంలో భారత్-ఈయూ సదస్సులో ప్రధాని వర్చువల్గా పాల్గొనే అవకాశం ఉంది.
ఇదీ చూడండి: 'కరోనా కట్టడిలో టీకాయే శక్తిమంతమైన ఆయుధం'
