తమ గ్రామంలోని పోలింగ్ కేంద్రాన్ని వేరే ప్రాంతానికి తరలించారని ఎన్నికలను సామూహికంగా బహిష్కరించారు అసోం బార్పేట్ జిల్లా బిష్ణుపుర్ గ్రామస్థులు. చెంగ నియోజకవర్గంలోని ఈ గ్రామంలో దాదాపు 700 మంది ఓటర్లున్నారు.
ఇదీ జరిగింది..
తొలుత బిష్ణుపుర్ గ్రామస్థుల కోసం బారా ప్రైమరీ స్కూల్లోని ఓ గదిని పోలింగ్ కేంద్రంగా ఏర్పాటు చేశారు అధికారులు. తర్వాత పోలింగ్ కేంద్రాన్ని బార్బిలా గ్రామానికి మార్చుతున్నట్లు ప్రకటించారు. దీనిపై తీవ్ర అసంతృప్తి వ్యక్తం చేశారు బిష్ణుపుర్ గ్రామస్థులు. ఓటు వేసేందుకు తమకు తొలుత నిర్ణయించిన ప్రాంతమే అనుకూలంగా ఉంటుందని తెలిపారు.
పోలింగ్ కేంద్రాన్ని మార్చొద్దని అధికారులను బతిమిలాడినా వారు పట్టించుకోలేదని గ్రామస్థులు ఆవేదన వ్యక్తం చేశారు. కనీసం పోలింగ్ కేంద్రాన్ని మార్చేందుకు కారణం కూడా తెలపలేదని పేర్కొన్నారు. ఇందుకు నిరసనగా ఓటింగ్ బహిష్కరించినట్లు చెప్పారు.
ఇదీ చదవండి:భారత్, రష్యా మైత్రిపై విదేశాంగ మంత్రుల చర్చ
