పాలనా విధానంలో ప్రజలకు సముచిత స్థానం కల్పించాలని భాజపా పాలిత రాష్ట్రాల ముఖ్యమంత్రులు, ఉప ముఖ్యమంత్రులకు ప్రధానమంత్రి నరేంద్ర మోదీ సూచించారు. ఆత్మనిర్భర భారత్ను బలోపేతం చేసేదిశగా, దేశఆర్థికరంగాన్ని పెంపొందించే విధంగా.. 'వన్ డ్రిస్ట్రిక్ట్, వన్ ప్రొడక్ట్' పద్ధతిలో పనిచేయాలని తెలిపారు. వారణాసిలో భాజపా పాలిత రాష్ట్రాల ముఖ్యమంత్రులు, ఉప ముఖ్యమంత్రులతో నిర్వహించిన సమావేశంలో ఈ మేరకు ఆయన మాట్లాడారు.
స్థానిక ఉత్పత్తులను ప్రపంచస్థాయి మార్కెట్లో విక్రయించి.. ఆ ఉత్పత్తులకు అంతర్జాతీయ స్థానం కల్పించాలన్నారు మోదీ. పరిపాలనలో సాంకేతికతను జోడిస్తే అద్భుతమైన ఫలితాలను రాబట్టొచ్చని సూచించారు. చిన్నారులు, మహిళలకు పౌష్టికాహారం అందించాలన్నారు. దేశయువత ఫిట్గా ఉండాలని పిలుపునిచ్చారు.
ఇదీ చూడండి: 'ప్రజల గొంతుకను అణచివేసేందుకు కేంద్రం కుట్ర'
