మహారాష్ట్ర హోంమంత్రి అనిల్ దేశ్ముఖ్పై ముంబయి మాజీ పోలీస్ కమిషనర్ పరమ్బీర్ సింగ్ ఆరోపణల వ్యవహారంలో నష్టనివారణ చర్యలు ముమ్మరం చేసింది ఎన్సీపీ. ఆయనపై పరమ్బీర్ చేసిన ఆరోపణల్లో నిజం లేదని పేర్కొంది. లేఖలో పేర్కొన్న సమయంలో దేశ్ముఖ్ ఎలాంటి సమావేశం నిర్వహించలేదని స్పష్టం చేసింది.
" మాజీ కమిషనర్ లేఖను పరిశీలిస్తే.. ఫిబ్రవరి మధ్యలో పలువురు అధికారులు తమకు హోంమంత్రి ఆ ఆదేశాలు ఇచ్చారని చెప్పినట్లు పేర్కొన్నారు. ఫిబ్రవరి 6 నుంచి 16వ తేదీ వరకు దేశ్ముక్ కరోనా బారినపడి ఆసుపత్రిలో చేరారు. ఆరోపణలు చేసిన సమయంలో హోంమంత్రి ఆసుపత్రిలో ఉన్నారని స్పష్టంగా తెలుస్తోంది. ఈ క్రమంలో ఆరోపణలకు ఎలాంటి బలం లేదు. అవి నిరాధారమైనవని తేలింది. "
- శరద్ పవార్, ఎన్సీపీ అధినేత
హోమ్ క్వారంటైన్లో ఉన్నా: దేశ్ముఖ్
తాను ఫిబ్రవరి 15 నుంచి 27 వరకు హోమ్ క్వారంటైన్లో ఉన్నట్లు తెలిపారు హోంమంత్రి అనిల్ దేశ్ముఖ్. ఫిబ్రవరి 28నే తన ఇంటి నుంచి బయటకు వచ్చినట్లు చెప్పారు. అయితే.. ఆసుపత్రి నుంచి ఫిబ్రవరి 15న డిశ్చార్జ్ అయినప్పుడు కొంతమంత్రి జర్నలిస్టులు గేట్ వద్ద ఉన్నారని, నేను నీరసంగా ఉన్న కారణంగా అక్కడే కుర్చీలో కూర్చొని వారి ప్రశ్నలకు సమాధానం ఇచ్చానన్నారు. ఆ తర్వాత నేరుగా కారులో ఎక్కి ఇంటికి వెళ్లానని తెలిపారు.
సుప్రీం కోర్టుకు పరమ్బీర్
హోంమంత్రి దేశ్ముఖ్పై తాను చేసిన ఆరోపణలను నిగ్గు తేల్చేందుకు సీబీఐతో విచారణ జరిపించాలని కోరుతూ సుప్రీం కోర్టులో పిటిషన్ దాఖలు చేశారు పరమ్బీర్ సింగ్. తన లేఖలో పేర్కొన్నట్లు ఆ సమయంలో హోంమంత్రి ఆసుపత్రిలో చికిత్స పొందుతున్నారని ఎన్సీపీ అధినేత శరద్ పవార్ పేర్కొన్న క్రమంలో ఆయన సుప్రీం కోర్టుకు వెళ్లటం ప్రాధాన్యం సంతరించుకుంది.
ముంబయి పోలీస్ కమిషనర్గా తప్పించి... హోంగార్డ్ విభాగానికి బదిలీ చేయడాన్ని కూడా సవాల్ చేశారు పరమ్బీర్.
ఇదీ చూడండి: పరమ్Xదేశ్ముఖ్- 'మహా'లో లేఖ దుమారం
