సాధారణంగా జర్మనీ నుంచి భారత్కు రావాలంటే ఎవరైనా సరే విమానంలో వస్తారు. కానీ మేధా రాయ్ అనే ఈ యువతి మాత్రం బైక్పై అంత దూరం నుంచి భారత్కు వచ్చింది. ఇంతకీ ఈమె అడ్వెంచర్ చేసేందుకో లేక గిన్నిస్ రికార్డు సృష్టించేందుకో ఇదంతా చేయలేదు. ఎంతో కాలం నుంచి తన తల్లిదండ్రులను కలవాలనుకుని ఇలా డిఫరెంట్గా ప్రయాణించింది.
జర్మనీకి చెందిన హాక్ విక్టర్ 2013లో ముంబయికి వచ్చాడు. దాదాపు ఒకటిన్నర ఏడాది గడిపిన అతనికి మేధాతో పరిచయం ఏర్పడింది. అలా వారిద్దరూ 2021 లాక్డౌన్లో వివాహ బంధంలోకి అడుగుపెట్టారు. కానీ కొవిడ్ ఆంక్షల కారణంగా ముంబయిలో ఉన్న మేధా కుటుంబం జర్మనీకి వెళ్లలేకపోయింది. దీంతో నిరాశ చెందిన యువతి ఆంక్షల సడలింపు తర్వాత తన కటుంబాన్ని కలుసుకునేందుకు నిశ్చయించుకుంది. ప్రయాణం ఎలా చేయాలన్న విషయంలో కాస్త వినూత్నంగా ఆలోచించింది. రహదారి మార్గంలోనే జర్మనీ నుంచి భారత్కు వెళ్లాలని అనుకుంది. అంతే ఇంకెందుకు ఆలస్యమంటూ బైక్ ఎక్కి ముంబయి వచ్చేశారు మేధా-హాక్.
వాస్తవానికి వారిద్దరూ కార్లో ప్రయాణించాలని తొలుత అనుకున్నారు. కానీ దారి ఖర్చులు ఎక్కువవుతాయని భావించిన ఆ జంట బైక్ ప్రయాణాన్ని ఎంచుకుంది. ఇంతవరకు బాగానే ఉన్నప్పటికీ అంతలోనే ఓ చిక్కు వచ్చింది. ఒకే బైక్పై ఇద్దరు అంత దూరం ప్రయాణిస్తే వెనుక కూర్చున్న వ్యక్తికి వెన్ను నొప్పి వచ్చే ప్రమాదం ఉంది. అందుకనే వారిద్దరూ మరో బైక్ కొన్నారు. అప్పటికి మేధాకు బైక్ నడపడం అసలు రాదట. కేవలం ఈ ప్రయాణం కోసమే ఆమె బైక్ నడపడం నేర్చుకుంది. అలా 156 రోజుల జర్నీలో 18 దేశాలు దాటి చివరకు ముంబయికి చేరుకుంది మేధా-హాక్ జంట.
