ఆస్పత్రిలో ఆవరణలో బహిరంగ ప్రదేశంలో ఉమ్మిన వ్యక్తిపై ఆగ్రహం వ్యక్తం చేశారు మధ్యప్రదేశ్, డిండోరీ జిల్లా కలెక్టర్. ఆ వ్యక్తితోనే ఉమ్మిని శుభ్రం చేయించారు.
ఏం జరిగిందంటే?
డిండోరీ జిల్లా కలెక్టర్ రత్నాకర్ ఝా.. జిల్లాలోని ప్రభుత్వ ఆస్పత్రిలో ఆకస్మిక తనిఖీ నిర్వహించారు. తనిఖీ అనంతరం.. కలెక్టర్ బయటకు వస్తుండగా ఆస్పత్రి ప్రాంగణంలో ఓ వ్యక్తి గుట్కా తిని ఉమ్మేశాడు. ఈ దృశ్యాన్ని చూసిన కలెక్టర్ రత్నాకర్..ఆ వ్యక్తి దగ్గరికి వచ్చి ప్రశ్నించాడు. ఉమ్మిని తీయమని ఆదేశించాడు.
దీంతో ఆ వ్యక్తి తన చేతులతో ఉమ్మిని తుడిచాడు. ఈ దృశ్యాలు సామాజిక మాధ్యమాల్లో వైరల్ అయ్యాయి. ఈ వీడియో చూసిన కొంతమంది మద్దతిస్తుండగా.. మరికొంతమంది మాత్రం.. కలెక్టర్ చర్యలను తప్పుబట్టారు.
ఆ వ్యక్తి డిండోరీ జిల్లా, సర్హారీ గ్రామానికి చెందినవాడు. ఈ ఘటన తర్వాత వైద్య అధికారులు కూడా ఆ వ్యక్తికి నోటీసులు అందించారు. ఈ ఘటనపై వివరణ ఇవ్వాలని ఆదేశించారు.
ఇదీ చదవండి: జైలులో ఆ పాట వినాలని ఖైదీ కోరిక.. చివరకు
