ETV Bharat / bharat

రూ.70 వేల ఐఫోన్ ఆర్డర్ చేస్తే.. విమ్ సబ్బు డెలివరీ

author img

By

Published : Oct 23, 2021, 1:14 PM IST

amazon different product received
రూ.70 వేల ఐఫోన్ ఆర్డర్ చేస్తే.. విమ్ సబ్బు వచ్చింది.

కేరళకు చెందిన ఓ వ్యక్తి రూ.70,900 చెల్లించి ఐఫోన్ (Apple iPhone 12) ఆర్డర్ ఇస్తే.. విమ్ డిష్ వాష్ బార్ (Amazon different product received) వచ్చింది. దాంతో పాటు రూ.5 బిళ్ల కూడా డెలివరీ బాక్స్​లో కనిపించడం గమనార్హం.

ఆన్​లైన్ డెలివరీలలో ఇటీవల అనేక అవకతవకలు వెలుగులోకి వస్తున్నాయి. కేరళకు చెందిన ఎన్ఆర్ఐ నూరుల్ అమీన్.. అమెజాన్ షాపింగ్​ సైట్​లో ఐఫోన్ 12ను (Apple iPhone 12) ఆర్డర్ చేశాడు. రూ.70,900 చెల్లించి అక్టోబర్ 12న ఫోన్​ను కొనుగోలు చేశాడు. అయితే, ఆయనకు వచ్చింది (Amazon different product received) మాత్రం ఐఫోన్ కాదు. డెలివరీ బాక్స్ తెరిచి చూస్తే (Amazon wrong item delivered) అందులో విమ్ సబ్బు, రూ.5 బిళ్ల కనిపించాయి. దీంతో షాక్ అవ్వడం అమీన్ వంతైంది.

అయితే, బాక్స్​ను తెరిచే ముందు అమీన్.. వీడియో తీశాడు. డెలివరీ బాయ్ ముందే బాక్స్​ను ఓపెన్ చేశాడు. వీడియో ఆధారంతో సైబర్ పోలీస్ స్టేషన్​లో ఫిర్యాదు చేశాడు అమీన్.

కంప్లైంట్ ఆధారంగా దర్యాప్తు చేసిన పోలీసులు.. అమీన్ ఆర్డర్ చేసిన ఐఫోన్​ను ఝార్ఖండ్​లో ఓ వ్యక్తి ఉపయోగిస్తున్నట్లు గుర్తించారు. నవంబర్ నుంచే ఈ ఫోన్​ను ఆ వ్యక్తి వాడుతున్నట్లు తేల్చారు.

ఈ ఫోన్​ను విక్రయించిన తెలంగాణకు చెందిన వ్యాపారిని సంప్రదించగా.. ఐఫోన్ స్టాక్ అయిపోయిందని తెలిపారు. అమీన్ చెల్లించిన డబ్బును తిరిగిస్తామని చెప్పారు.

నిర్మా సబ్బులు..

ఇటీవల.. సిమ్రన్​పాల్ సింగ్ అనే వ్యక్తికీ ఇలాంటి అనుభవమే ఎదురైంది. ఐఫోన్ ఆర్డర్ ఇస్తే.. అతనికి నిర్మా సబ్బులు వచ్చాయి. ఈ వార్త కోసం లింక్​పై క్లిక్ చేయండి.

ఇదీ చదవండి:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.