ఈ ఏడాది చివర్లో మానవరహిత గగన్యాన్ ప్రయోగానికి ఇస్రో సన్నాహాలు చేస్తోంది. వచ్చే ఏడాది మనిషినీ అంతరిక్షంలోకి పంపేందుకు కసరత్తు ముమ్మరం చేసింది. అంతరిక్షంలోకి వెళ్లే వ్యోమగాములను తిరిగి భూమిపై ఎక్కడ ల్యాండింగ్ చేయాలన్న ప్రతిపాదనపై ఇస్రో శాస్త్రవేత్తలు ఓ అవగాహనకు వచ్చి గుజరాత్లోని వెరావల్ తీరాన్ని ప్రాథమికంగా ఎంచుకున్నారు.
ఒకవేళ అక్కడ సాధ్యం కాకుంటే ప్రత్యామ్నాయంగా బంగాళాఖాతంలోని మరో తీరాన్ని ఎంపికచేశారు. కచ్చితంగా ఎక్కడ ల్యాండింగ్ చేస్తారన్న విషయంపై త్వరలోనే స్పష్టత రానుంది. ల్యాండ్‌ అయిన 15-20 నిమిషాలలోపు వ్యోమగాములను క్వారంటైన్‌ కేంద్రానికి తీసుకెళ్తారు. అక్కడ వారి ఆరోగ్య వివరాలు పరిశీలించి, అంతా బాగుందనుకున్న తర్వాతే ప్రయోగం విజయవంతమైనట్లు ప్రకటించనున్నారు.
ఇదీ చూడండి:- గగన్యాన్ 'ఫ్లైట్ సర్జన్ల'కు రష్యాలో శిక్షణ
