India covid cases: దేశంలో కరోనా కేసులు మరోసారి తగ్గుముఖం పట్టాయి. కొత్తగా 25,920 మందికి కరోనా నిర్ధరణ అయింది. మరో 492 మంది మరణించారు. 66,254 మంది బాధితులు కోలుకున్నారు. పాజిటివిటీ రేటు 2.07 శాతానికి చేరినట్లు వైద్య ఆరోగ్య శాఖ అధికారులు వెల్లడించారు.
- మొత్తం మరణాలు: 5,10,905
- యాక్టివ్ కేసులు: 2,92,092
- మొత్తం కోలుకున్నవారు: 4,19,77,238
Covid Tests in India: దేశవ్యాప్తంగా గురువారం 12,54,893 కరోనా పరీక్షలు చేశారు.
Vaccination in India:
దేశంలో వ్యాక్సినేషన్ వేగంగానే కొనసాగుతోంది. గురువారం మరో 37,86,806 మందికి టీకాలు అందించారు. దీంతో ఇప్పటివరకు పంపిణీ అయిన మొత్తం డోసుల సంఖ్య 1,74,64,99,461 కు చేరింది.
World Covid cases:
ప్రపంచవ్యాప్తంగా కరోనా కేసులు భారీగానే నమోదవుతున్నాయి. 24 గంటల వ్యవధిలో 20 లక్షలకు పైగా కేసులు బయటపడ్డాయి. జర్మనీ, రష్యా, బ్రెజిల్, అమెరికా దేశాల్లో వైరస్ విస్తృతంగా వ్యాపిస్తోంది. ప్రపంచ వ్యాప్తంగా 11 వేలకు పైగా మంది కొవిడ్తో కన్నుమూశారు.
- జర్మనీలో కొత్తగా 2.27 లక్షల కొవిడ్ కేసులు నమోదయ్యాయి. 244 మంది మృతి చెందారు.
- రష్యాలో లక్షా 80 వేల మందికి కరోనా సోకినట్లు తేలింది. 790 మంది ప్రాణాలు కోల్పోయారు.
- బ్రెజిల్లో 24 గంటల్లో వెయ్యి మందికి పైగా కరోనా మరణాలు సంభవించాయి. కొత్తగా 1.29 లక్షల కేసులు బయటపడ్డాయి.
- అమెరికాలో కరోనా... మరణ మృదంగం మోగిస్తోంది. 24 గంటల్లో 2184 మంది ప్రాణాలను వైరస్ తోడేసింది. లక్షా 3 వేల కేసులు నమోదయ్యాయి.
ఇదీ చదవండి: కొవిడ్ మరణాలపై దుష్ప్రచారం.. కేంద్రం ఏమందంటే?
