India Corona cases: దేశంలో కొత్తగా 6,317 కొవిడ్ కేసులు నమోదయ్యాయి. మరో 318 మంది ప్రాణాలు కోల్పోయారు. ఒక్కరోజే 6,906 మంది వైరస్ నుంచి కోలుకున్నారు. ఫలితంగా యాక్టివ్ కేసుల సంఖ్య 575 రోజుల కనిష్ఠానికి చేరింది.
- మొత్తం కేసులు: 3,47,58,481
- మొత్తం మరణాలు: 4,78,325
- యాక్టివ్ కేసులు: 78,190
- కోలుకున్నవారు: 3,42,01,966
Omicron Cases in India:
యావత్‌ ప్రపంచానికి వణుకు పుట్టిస్తున్న కొత్త వేరియంట్ ఒమిక్రాన్.. దేశంలోనూ శరవేగంగా వ్యాపిస్తోంది. ఇప్పటివరకు ఈ వేరియంట్ 12 రాష్ట్రాలకు పాకగా.. మొత్తం ఒమిక్రాన్ కేసుల సంఖ్య 215 దాటింది. ఈ విషయాన్ని కేంద్రం వెల్లడించింది. ఒమిక్రాన్ బాధితుల్లో ఇప్పటివరకు 77 మంది డిశ్చార్జ్‌ అయినట్లు పేర్కొంది. పూర్తికథనం కోసం ఇక్కడ క్లిక్ చేయండి.
Vaccination in India:
దేశంలో టీకా పంపిణీ శరవేగంగానే కొనసాగుతోంది. మంగళవారం 57,05,039 మందికి టీకాలు అందించారు. ఇప్పటివరకు పంపిణీ చేసిన డోసుల సంఖ్య 1,38,95,90,670కి చేరింది.
Covid World cases:
ఒమిక్రాన్ వ్యాప్తితో ప్రపంచ దేశాలు అల్లాడుతున్నాయి. కొత్త కేసుల్లో ఒమిక్రాన్ వాటానే అధికంగా ఉంటోంది. మరోవైపు డెల్టా వేరియంట్ సైతం వేగంగా విస్తరించడం వల్ల కొవిడ్ కేసుల సంఖ్య విపరీతంగా పెరుగుతోంది. ప్రపంచ వ్యాప్తంగా తాజాగా 7,45,639 మంది కరోనా బారినపడ్డారు. మరో 7,114 మంది ప్రాణాలు కోల్పోయారు.
- అమెరికాలో కరోనా కరళా నృత్యం చేస్తోంది. కొత్తగా 1,81,264 కరోనా కేసులు వెలుగుచూశాయి. 1,811 మంది మరణించారు. మొత్తం మరణాల సంఖ్య 8,30,990కి చేరుకుంది.
- బ్రిటన్లో నమోదైన కరోనా కేసులు ఆందోళన కలిగిస్తోంది. తాజాగా 90,629 మందికి కొవిడ్ సోకింది. 172 మంది మరణించారు. కొత్త కేసుల్లో ఒమిక్రాన్ వాటా క్రమంగా పెరుగుతోందని ఆ దేశ వైద్య నిపుణులు చెబుతున్నారు.
- ఫ్రాన్స్లో కొవిడ్ కేసులు విపరీతంగా నమోదవుతున్నాయి. దేశంలో మరో 72,832 కేసులు నమోదయ్యాయి. 229 మంది మృతి చెందారు.
- రష్యాలో కరోనా మరణాలు రికార్డు స్థాయిలో నమోదవుతున్నాయి. మరో 1,027 మంది వైరస్ ధాటికి బలయ్యారు. కొత్తగా 25,90 కేసులు బయటపడ్డాయి. మొత్తం మరణాల సంఖ్య మూడు లక్షలకు చేరువైంది.
ఇదీ చదవండి: మూడు రెట్లు వేగంగా ఒమిక్రాన్ వ్యాప్తి.. రాష్ట్రాలకు కేంద్రం హెచ్చరిక
