దేశవ్యాప్తంగా ఆక్సిజన్ కొరతను రూపుమాపే చర్యల్లో భాగంగా.. లక్ష పోర్టబుల్ ఆక్సిజన్ కాన్సన్‌ట్రేటర్లకు ప్రధాన మంత్రి నరేంద్ర మోదీ అనుమతి ఇచ్చారు. పీఎం కేర్స్ ఫండ్ నుంచి వీటికి నిధులను విడుదల చేయనున్నారు. కరోనా కేసులు ఎక్కువున్న రాష్ట్రాలకు ఈ ఆక్సిజన్ కాన్సన్ట్రేటర్లను అందించాలని అధికారులను మోదీ ఆదేశించారు.
పీఎం కేర్స్ ఫండ్ నుంచి కొత్తగా 500 పీఎస్ఏ(ప్రెషర్ స్వింగ్ అడాప్షన్) ఆక్సిజన్ ప్లాంట్లు ఏర్పాటు చేస్తున్నట్లు ప్రధాన మంత్రి కార్యాలయం తెలిపింది. గతంలో 713 పీఎస్ఏ ప్లాంట్లు మంజూరు చేసినట్లు పేర్కొంది. పీఎస్ఏ ప్లాంట్లతో ఆస్పత్రుల్లో ఆక్సిజన్ సరఫరా పెరుగుతుందని చెప్పింది.
ఇదీ చూడండి: కొవిడ్ పోరులో 24x7 సహాయ చర్యలు: ఐఏఎఫ్
ఇదీ చూడండి: '18 ప్లస్'కు టీకా రిజిస్ట్రేషన్ షురూ
