Earthquake: జమ్ముకశ్మీర్ ప్రజలు ఒక్కక్షణం ఉలిక్కిపడ్డారు. శుక్రవారం రాత్రి కశ్మీర్లో భూకంపం సంభవించింది. రిక్టర్ స్కేలుపై 5.3 తీవ్రత నమోదైంది. అఫ్గానిస్థాన్లోని హిందుకుశ్ సమీపంలో భూకంప కేంద్రాన్ని గుర్తించారు. జమ్ముకశ్మీర్లోనూ ప్రకంపనలు వచ్చాయి. అయితే ఈ ఘటనలో ఎలాంటి ఆస్తి, ప్రాణనష్టం వాటిల్లలేదని అధికారులు తెలిపారు.
పాకిస్థాన్లోనూ..
ఉత్తర పాకిస్థాన్లో 5.6 తీవ్రతతో శుక్రవారం రాత్రి భూకంపం సంభవించింది. అఫ్గానిస్థాన్-తజికిస్థాన్ సరిహద్దులో భూకంప కేంద్రాన్ని గుర్తించారు. ఖైబర్ పఖ్తుంక్వా, పెషావర్ సహా పలు ప్రాంతాల్లో ప్రకంపనలు వచ్చాయి. ప్రజలు తీవ్ర భయాందోళనలకు గురయ్యారు. ఎలాంటి ప్రాణనష్టం జరగలేదని అధికారులు తెలిపారు.
ఇదీ చూడండి: Earthquake: కశ్మీర్లో భూకంపం- వణికిపోయిన పాక్ ప్రజలు!
