Drugs In Jaipur Airport: రాజస్థాన్లోని జైపుర్ అంతర్జాతీయ విమానాశ్రయ అధికారులు భారీ మొత్తంలో డ్రగ్స్ను స్వాధీనం చేసుకున్నారు. విదేశాల నుంచి భారత్కు ఓ మహిళ అక్రమంగా తరలిస్తుండగా.. వీటిని పట్టుకున్నారు.
Heroin from woman: ఎయిర్ అరేబియా విమానంలో షార్జా నుంచి రాజస్థాన్ జైపుర్ విమానాశ్రయానికి ఓ ఆఫ్రికన్ మహిళ ఆదివారం ఉదయం చేరుకుంది. విమానాశ్రయంలో ఆమె అనుమానాస్పదంగా కనిపించగా అధికారులు ఆమె బ్యాగును తనిఖీలు చేశారు. సూట్ కేస్లో డ్రగ్స్ లాంటి పొడిని గుర్తించారు. వెంటనే డ్రగ్ డిటెక్టివ్ బృందానికి సమాచారం అందించగా.. వారు అక్కడకు చేరుకుని పరిశీలించారు. దాంతో అది హెరాయిన్గా తేలింది.
సదరు మహిళ వద్ద నుంచి రెండు కిలోలకు పైగా హెరాయిన్ను అధికారులు స్వాధీనం చేసుకున్నారు. వీటి విలువ రూ.15 కోట్లుగా ఉంటుందని అంచనా వేశారు. కస్టమ్స్ అధికారులతో పాటు డైరెక్టరేట్ ఆఫ్ రెవెన్యూ ఇంటెలిజెన్స్ అధికారులు దీనిపై దర్యాప్తు చేపట్టారు.
గతంలో జైపుర్ విమానాశ్రయంలో ఇదే తరహాలో బంగారాన్ని అక్రమంగా తరలిస్తుండగా అధికారులు పట్టుకున్నారు.
ఇదీ చూడండి: ఫైరింగ్ ప్రాక్టీస్లో అపశ్రుతి.. జవాను మృతి
ఇదీ చూడండి: Guys Fighting in Gym: జిమ్లో.. డబ్ల్యూడబ్ల్యూఈని తలపించేలా 'ఫైట్'
