DefExpo-2022: గుజరాత్ గాంధీ నగర్లో జరగాల్సిన ప్రీమియర్ డిఫెన్స్ ఎగ్జిబిషన్- 2022 వాయిదా పడింది. పలు రవాణా సమస్యల కారణంగా వాయిదా వేస్తున్నట్లు రక్షణ శాఖ ప్రకటించింది. మార్చి 10 నుంచి 14 వరకు ఈ డిఫెన్స్ ఎగ్జిబిషన్ జరగాల్సి ఉంది. అయితే ఇందులో పాల్గొనే వారికి లాజిస్టిక్స్‌ సమస్యలు ఏర్పడినందున ఈ కార్యక్రమాన్ని వాయిదా వేసినట్లు రక్షణశాఖ ఈ మేరకు ప్రకటన విడుదల చేసింది.
గతంలో రక్షణ శాఖ ప్రకటించిన దాని ప్రకారం.. ఈ ఎక్స్పో లో సుమారు 973 మంది ఎగ్జిబిటర్లు ఈ ప్రదర్శనలో పాల్గొనేందుకు వస్తారని తెలిపింది. దీనిలో 63 దేశాల నుంచి 121 మంది విదేశీ ఎగ్జిబిటర్లలు హాజరయ్యేందుకు నమోదు చేసుకున్నట్లు పేర్కొంది. ఈ ఎక్స్పోలో స్వదేశీ భద్రతా వ్యవస్థలకు సంబంధించిన నౌకదళంలో ఉపయోగించే వాటితో పాటు.. నేలపైన నుంచి ప్రయోగించే వాటిని కూడాక ప్రదర్శనకు ఉంచుతున్నట్లు ఫిబ్రవరి 22న అధికారులు తెలిపారు.
తిరిగి ఈ డిఫెన్స్ ఎక్స్పో నిర్వహించే తేదీలను త్వరలోనే వెల్లడించనున్నట్లు అధికారులు తెలిపారు. డిఫెన్స్ ఎక్స్పోను రక్షణ శాఖ రెండేళ్లకు ఒకసారి నిర్వహింస్తుంది. అయితే ఈ ఏడాది ఏర్పాటు చేయనున్న ప్రదర్శన పన్నెండోవది కావడం విశేషం.
ఇదీ చూడండి:
