త్రివిధ దళాల కోసం పలు రకాల ఆయుధాలు, వ్యవస్థలు, సాధనాల కొనుగోలుకు ఉద్దేశిందిన ప్రతిపాదనలకు రక్షణ కొనుగోళ్ల మండలి (డీఏసీ) ఆమోదం తెలిపింది. రక్షణ మంత్రి రాజ్‌నాథ్ సింగ్ అధ్యక్షతన జరిగిన డీఏసీ సమావేశంలో ఈ మేరకు నిర్ణయం తీసుకున్నారు.
ఈ ఆయుధాల విలువ రూ.13, 700 కోట్ల రూపాయలు కాగా వీటిని దేశీయంగానే అభివృద్ధి చేస్తారు. వీటిలో రక్షణ పరిశోధన, అభివృద్ధి సంస్థ డీఆర్డీఓ రూపొందించిన ఆయుధ వ్యవస్థలు కూడా ఉన్నాయి. ఇందులో 118 అర్జున్ మార్క్-1ఏ యుద్ధ ట్యాంకులు కూడా ఉన్నట్లు సంబంధిత వర్గాలు తెలిపాయి. వీటి విలువ రూ.8 వేల 300 కోట్ల మేర ఉంటుందని పేర్కొన్నాయి. స్వదేశీ పరిజ్ఞానంతో తయారుచేసిన ఈ ట్యాంకులను ఇటీవలే ప్రధాని సైన్యానికి అప్పగించారు.
