సాగు చట్టాలపై విపక్షాల ఉమ్మడి పోరు!

సాగు చట్టాల వ్యవహారంపై పార్లమెంటు వేదికగా కేంద్రాన్ని ఇరుకున పెట్టాలని భావిస్తోంది కాంగ్రెస్. ఇందుకోసం ఇతర విపక్షాలతో కలిసి వ్యూహం రచించేందుకు ప్రయత్నిస్తోంది.

కేంద్ర ప్రభుత్వం ప్రవేశ పెట్టిన నూతన సాగు చట్టాల విషయంలో ఉమ్మడి వ్యూహాన్ని రచించేందుకు సన్నద్ధమవుతోంది కాంగ్రెస్​. ఈ మేరకు పార్టీ తాత్కాలిక అధ్యక్షురాలు సోనియా గాంధీ ప్రతిపక్షాలతో మాట్లాడినట్టు తెలుస్తోంది.

ఈ నెల 29న పార్లమెంట్​ సమావేశాలు ప్రారంభం కానున్న తరుణంలో..​ భవిష్యత్తు కార్యాచరణను రూపొందిస్తోంది కాంగ్రెస్​. కొత్త వ్యవసాయ చట్టాల విషయంలో కేంద్ర ప్రభుత్వాన్ని ఎలా ఎదుర్కోవాలనే అంశాలపై చర్చించేందుకు విపక్ష నాయకులతో ఆమె త్వరలోనే భేటీ కానున్నట్టు సమాచారం.

ఇదీ చదవండి: 'గాడ్సే' లైబ్రరీ ప్రారంభించిన హిందూ మహాసభ