తమిళనాడులో దారుణం జరిగింది. కస్టమర్ ఓటీపీ చెప్పలేదని.. ఓలా క్యాబ్ డ్రైవర్ అతడిపై దాడికి పాల్పడ్డాడు. ఈ దాడిలో ఉమేందర్ అనే వ్యక్తి ప్రాణాలు కోల్పోయాడు. నిందితుడు రవిని పోలీసులు అదుపులోకి తీసుకుని విచారణ చేపట్టారు.
అసలేం జరిగిందంటే:
ఉమేందర్ అనే వ్యక్తి చెంగల్పట్టు జిల్లా కన్నివాక్కంకు చెందిన వ్యక్తి. ఈయన కోయంబత్తూరులో సాఫ్ట్వేర్ ఇంజనీర్గా పనిచేస్తున్నాడు. శని, ఆదివారాలు సెలవు కావడం వల్ల సొంత గ్రామం కన్నివాక్కంకు కుటుంబ సమేతంగా వెళ్లాడు. ఆదివారం(జులై 3) అతని భార్య, పిల్లలు, బంధువులతో కలిసి సమీపంలో ఉండే.. ఓఎంఆర్ రోడ్డులోని సినిమా థియేటర్కు వెెళ్లాడు.
సినిమా పూర్తయ్యాక ఇంటికి తిరిగి రావడానికి ఓలా యాప్లో క్యాబ్ బుక్ చేసుకున్నాడు. ఇన్నోవా కారు వచ్చింది. ఉమేందర్తో సహా అతని కుటుంబ సభ్యులు కారు ఎక్కారు. ఓలా క్యాబ్ డ్రైవర్ రవి.. ఉమేందర్ను ఓటీపీ నంబర్ చెప్పమన్నాడు. ఓటీపీ చెప్పడంలో కాస్త ఆలస్యం చేశాడు. దీంతో ఓటీపీ సరిగా చెప్పలేదని డ్రైవర్ అసహనం వ్యక్తం చేశాడు. దీంతో వీరివురి మధ్య గొడవ జరిగి అది కాస్త దాడికి దారితీసింది. ఈ దాడిలో ఉమేందర్ తీవ్రంగా గాయపడ్డాడు. అంబులెన్స్లో ఉమేందర్ను ప్రైవేట్ ఆసుపత్రికి తరలించగా.. అప్పటికే ఆయన మరణించినట్లు వైద్యులు తెలిపారు. సమాచారం అందుకున్న కేళంబాక్కం పోలీసులు ఓలా క్యాబ్ డ్రైవర్ రవిని అదుపులోకి తీసుకున్నారు.
ఇవీ చదవండి:
'ఆసుపత్రికి వెళ్లా- ప్రియుడితో పారిపోలేదు'.. మహిళ హైడ్రామా.. మాజీ భర్తతో వాగ్వాదం!
పొట్టేళ్లతో వ్యవసాయం.. నాగలితో దున్నడం, బండిని లాగడం అన్నీ వాటితోనే!
