మరికొద్ది గంటల్లో ఆమె పెళ్లి... అందంగా తయారై పెళ్లి పందిరి ఎక్కుదామని భావించింది ఆ యువతి... అందుకే మేకప్ కోసం బ్యూటీపార్లర్కు వెళ్లింది.. అంతలోనే యువతిని ప్రేమిస్తున్న వ్యక్తి బ్యూటీపార్లర్కు వచ్చి ఆమెపై కాల్పులు జరిపాడు. ఈ ఘటన బిహార్.. ముంగేర్ జిల్లాలో ఆదివారం జరిగింది. నిందితుడిని పట్నా పోలీస్ స్టేషన్లో పనిచేసే కానిస్టేబుల్ అమన్ కుమార్గా గుర్తించారు.
ముంగేర్లోని తారాపుర్ మహేశ్పుర్కు చెందిన జితేంద్ర కుమార్ కుమార్తె అపూర్వ కుమారి(26)కి ఆదివారం వివాహం జరగాల్సి ఉంది. దీంతో ఆమె మేకప్ వేయించుకునేందుకు అదే రోజు నగరంలోని బ్యూటీ పార్లర్కు వెళ్లింది. ఆ సమయంలో ఆమెపై కానిస్టేబుల్ అమన్ కుమార్ కాల్పులు జరిపాడు. దీంతో ఆమె ఛాతీలోకి బుల్లెట్ దూసుకెళ్లింది. వెంటనే బ్యూటీ పార్లర్ సిబ్బంది, స్థానికులు.. అపూర్వను ఆస్పత్రికి తరలించారు. ప్రస్తుతం ఆమె ఆరోగ్య పరిస్థతి నిలకడగా ఉందని వైద్యులు తెలిపారు. అపూర్వను నిందితుడు ప్రేమిస్తున్నాడని సమాచారం. ఆమెకు పెళ్లి అయిపోతుందనే కోపంతో కాల్పులు జరిపినట్లు తెలుస్తోంది.
"అమన్ కుమార్ కూడా అపూర్వ కుమారి వెంటే బ్యూటీ పార్లర్కు వచ్చాడు. మేము ఆమెను ముస్తాబు చేస్తుండగా.. బ్యూటీపార్లర్లో ఆమె వెనుకే నిలబడ్డాడు. అమన్ కుమార్ను మేము.. అపూర్వ కుమారి కుటుంబ సభ్యుడని అనుకున్నాం. నిందితుడు.. అపూర్వపై వెనుక నుంచి కాల్పులు జరిపాడు. ఈ తర్వాత తనను తాను కాల్చుకునే ప్రయత్నం కూడా చేశాడు. కానీ గన్ సరిగ్గా పేలలేదు. నిందితుడిని పట్టుకునేందుకు ప్రయత్నించాం. కానీ అతడు దొరకకుండా బ్యూటీ పార్లర్ నుంచి పరారయ్యాడు."
-బ్యూటీ పార్లర్ సిబ్బంది
సమాచారం అందుకున్న పోలీసులు ఘటనాస్థలికి చేరుకున్నారు. బాధితురాలి కుటుంబ సభ్యుల ఫిర్యాదు మేరకు నిందితుడిపై కేసు నమోదు చేశారు. స్థానికంగా ఉన్న సీసీటీవీ ఫుటేజీలను పరిశీలించి నిందితుడిని గుర్తించారు. ప్రస్తుతం అతడు పట్నాలో పోలీస్ కానిస్టేబుల్గా పనిచేస్తున్నాడని తెలిపారు. నిందితుడిని త్వరలోనే పట్టుకుంటామని పేర్కొన్నారు. ప్రమాద స్థలంలో పోలీసులు ఒక పిస్టల్ను స్వాధీనం చేసుకున్నారు.
నా భార్య వేరే యువకులతో..
తాను సంపాదించిన డబ్బును తన భార్య వేరే యువకుల కోసం ఖర్చు చేస్తోందని పోలీసులకు ఫిర్యాదు చేశాడో వ్యక్తి. ఆమెపై చర్యలు తీసుకోవాలని పోలీసులను ఆశ్రయించాడు. ఈ ఘటన ఉత్తరాఖండ్లోని హల్ద్వానీలో జరిగింది.
ఇదీ జరిగింది..
హల్ద్వానీలో లోహ్రియాసల్కు చెందిన ఓ వ్యక్తి.. తన భార్య గత రెండేళ్లుగా షాజాద్ ఖురేషీ, అభిషేక్ సింగ్‌ అనే ఇద్దరు యువకుల బ్యాంకు ఖాతాల్లో డబ్బులు వేస్తోందని పోలీసులకు ఫిర్యాదు చేశాడు. ఇదే విషయంపై తన భార్యను ప్రశ్నిస్తే దుర్భాషలాడిందని పేర్కొన్నాడు. తన భార్య.. ఆ ఇద్దరు యువకులతో బయట తిరుగుతోందని అన్నాడు. ఆ యువకులను ప్రశ్నిస్తే తనను చంపేస్తానని బెదిరిస్తున్నారని అన్నాడు. బాధితుడి ఫిర్యాదు మేరకు పోలీసులు అతడి భార్య, మరో ఇద్దరు యువకులపై కేసు నమోదు చేశారు.
స్థిరాస్తి వ్యాపారిపై కాల్పులు..
దిల్లీలో ఓ స్థిరాస్తి వ్యాపారిపై కాల్పులు జరిపారు దుండగులు. దీంతో వ్యాపారికి తీవ్ర గాయాలయ్యాయి. ఆయనను బాబు జగ్జీవన్ రామ్ ఆస్పత్రికి తరలించారు స్థానికులు. ఆయన అప్పటికే మరణించినట్లు వైద్యులు తెలిపారు. జహంగీర్పురి ప్రాంతంలో సోమవారం జరిగిందీ ఘటన. ఈ ఘటనపై సమాచారం అందుకున్న పోలీసులు ఘటనాస్థలికి చేరుకుని కేసు నమోదు చేసుకున్నారు. మృతుడిని బిజేంద్ర యాదవ్గా గుర్తించారు. ఆస్తి విషయంలో గొడవలే ఈ హత్యకు కారణమని పోలీసులు భావిస్తున్నారు. ఆ కోణంలో కేసు దర్యాప్తు చేస్తున్నారు.
