అక్రమంగా ఆయుధాలు సరఫరా చేస్తున్న ముఠా గుట్టు రట్టు చేశాయి భద్రత దళాలు. నాగాలాండ్ పెరెన్ జిల్లాలోని లిలెన్ గ్రామంలో అక్రమ ఆయుధాల డీలర్ను అరెస్ట్ చేశాయి. ఉగ్రకార్యకలాపాలపై సమాచారం మేరకు పెరెన్ జిల్లా పరిసర ప్రాంతాల్లో తనిఖీలు నిర్వహిస్తున్న క్రమంలో డీలర్ పట్టుబడ్డాడు. నిందితుడి వద్ద నుంచి ఆయుధాలు స్వాధీనం చేసుకున్నట్లు భారత సైన్యం తూర్పు కమాండ్ వెల్లడించింది.
మూడు 12 బోర్ రైఫిల్స్, 34 తుటాలు, ఆయుధాలు తయారు చేసే సామగ్రి వంటివి ఘటనా స్థలం నుంచి స్వాధీనం చేసుకున్నాయి బలగాలు.
- తూర్పు కమాండ్, భారత సైన్యం
తిరప్ జిల్లాలోని నోగ్లో సమీపంలో యూఎల్ఎఫ్ఏ (ఐ) ఉగ్ర సంస్థకు చెందిన ముగ్గురు కీలక సభ్యులను శనివారం అరెస్ట్ చేశాయి భద్రత దళాలు. వారి వద్ద నుంచి మూడు చిన్న తుపాకులు, తూటాలతో నిండిన మ్యాగజైన్స్, యూఎల్ఎఫ్ఏ బ్యాడ్జులు స్వాధీనం చేసుకున్నాయి.
ఇదీ చూడండి: కశ్మీర్లో ఎన్కౌంటర్- ముగ్గురు ముష్కరులు హతం
