స్థానిక వ్యవస్థాపకత (ఎంట్రప్రెన్యూర్షిప్)ను ప్రోత్సహించడం, పారిశ్రామిక సంఘాల భాగస్వామ్యంతో ఉపాధి అవకాశాలు కల్పించడమే లక్ష్యంగా రూపొందించిన 'ఆత్మ నిర్భర్ ఉత్తర్ప్రదేశ్ రోజ్గార్ అభియాన్'ను వీడియో కాన్ఫరెన్స్ ద్వారా ప్రారంభించారు ప్రధాని నరేంద్ర మోదీ. ఈ కార్యక్రమంలో ముఖ్యమంత్రి యోగి ఆదిత్యనాథ్ సహా పలువురు ముఖ్యనేతలు, అధికారులు పాల్గొన్నారు.
ఉత్తర్ప్రదేశ్లోని ఆరు జిల్లాల గ్రామస్థులతో వర్చువల్ వేదికగా మాట్లాడనున్నారు మోదీ. కామన్ సర్వీస్ సెంటర్లు, కృషి విజ్ఞాన కేంద్రాల ద్వారా.... రాష్ట్రంలోని అన్ని జిల్లాల్లో ఈ కార్యక్రమం చేపడుతున్నారు.
కరోనా సంక్షోభం కారణంగా వలసకార్మికులు, శ్రామికులు ఉపాధి కోల్పోయి.. చాలా అవస్థలు పడుతున్నారు. అందువల్ల వారికి ప్రాథమిక సౌకర్యాలు, జీవనోపాధి కల్పించాల్సిన అవసరం ఎంతైనా ఉంది. ఈ నేపథ్యంలోనే ఉత్తర్ప్రదేశ్ ప్రభుత్వం... 'యూపీ ఉపాధి స్వావలంబన ప్రచారం' ప్రారంభించింది. స్థానిక ఎంట్రప్రెన్యూర్స్ని ప్రోత్సహించడం, పరిశ్రమలు, ఇతర సంస్థలతో భాగస్వామ్యాన్ని ఏర్పరచి, ఉపాధి అవకాశాలు పెంచడమే లక్ష్యంగా పనిచేస్తోంది.
30 లక్షల మందికిపైగా..
కరోనా కారణంగా ఉపాధి కోల్పోయి.. సుమారు 30 లక్షల మంది వలస కార్మికులు ఉత్తర్ప్రదేశ్లోని తమ ఇళ్లకు తిరిగివచ్చారు. అలాగే రాష్ట్రంలోని 31 జిల్లాల్లో 25 వేలకు పైగా ప్రజలు తమ స్వస్థలాలకు చేరుకున్నారు.
ఇదీ చూడండి: వందే భారత్ మిషన్: స్వదేశానికి 3.6 లక్షల మంది
