దేశవ్యాప్తంగా కరోనా కేసులు ఇటీవల తగ్గుముఖం పట్టినట్టే కనిపిస్తోంది. అయితే.. దక్షిణాది రాష్ట్రాల్లో మాత్రం వైరస్ వ్యాప్తి కొనసాగుతోంది. కేరళలో బుధవారం ఒక్కరోజే 6,185 మందికి కరోనా పాజిటివ్గా తేలడం ఆందోళన కలిగిస్తోంది. ఆ రాష్ట్రంలో ఇప్పటివరకు 6.83 లక్షల మంది వైరస్ బారినపడ్డారు. వారిలో సుమారు 2,700 మంది ప్రాణాలు కోల్పోయారు.
- దేశ రాజధాని దిల్లీలో కొత్తగా 1,547 మందికి వైరస్ సోకింది. మొత్తం కేసుల సంఖ్య 6లక్షల 12వేలకు సమీపించింది. దిల్లీలో ఇప్పటివరకు 10,147 మందిని కొవిడ్ బలితీసుకుంది.
- తమిళనాట మరో 1,181 కరోనా కేసులు వెలుగు చూశాయి. మొత్తం బాధితుల సంఖ్య 8లక్షల 2వేలు దాటింది. వైరస్తో మరో 12 మంది చనిపోగా.. మరణాల సంఖ్య 11,391కి చేరింది.
- కర్ణాటకలో కొత్తగా 1,240 కొవిడ్ కేసులు నమోదయ్యాయి. బాధితుల సంఖ్య 9లక్షల 4వేల 665కు పెరిగింది. ఆ రాష్ట్రంలో ఇప్పటివరకు 11,971 కరోనా మరణాలు సంభవించాయి.
- ఉత్తర్ప్రదేశ్లో ఒక్కరోజులోనే 1,227 మందికి కొవిడ్ పాజిటివ్గా నిర్ధరణ అయింది. దీంతో కేసుల సంఖ్య 5.69 లక్షలకు చేరింది. వైరస్తో పోరాడుతూ కొత్తగా 15 మంది చనిపోగా.. మృతుల సంఖ్య 8,118కి ఎగబాకింది.
- గుజరాత్లో మరో 1,160 మంది కరోనా బారినపడ్డారు. కేసుల సంఖ్య 2.31లక్షలకు ఎగబాకింది. వైరస్ ధాటికి ఆ రాష్ట్రంలో ఇప్పటివరకు 4,203 మంది చనిపోయారు.
ఇవీ చదవండి:
