దేశంలో కరోనా అంతకంతకూ వ్యాపిస్తూనే ఉంది. కర్ణాటకలో ఆదివారం ఒక్కరోజే 10,145 మంది వైరస్ బారినపడ్డారు. కేసుల సంఖ్య 6,40,661కు పెరిగింది. కొత్తగా 67 మంది మృతితో.. మొత్తం మరణాల సంఖ్య 9,286కు చేరింది.
- కేరళలో కొత్తగా 8,553 మందికి వైరస్ సోకినట్టు తేలింది. ఫలితంగా బాధితుల సంఖ్య 2,28,886కు చేరింది. ఇప్పటివరకు ఆ రాష్ట్రంలో 836 మంది కొవిడ్కు బలయ్యారు.
- తమిళనాడులో మరో 5,489 మందికి కొవిడ్ పాజిటివ్గా నిర్ధరణ అయింది. మొత్తం బాధితుల సంఖ్య 6,19,996కు ఎగబాకింది. కొత్తగా 66 మంది చనిపోగా.. మరణాల సంఖ్య 9,784కు చేరింది.
- రాజస్థాన్లో ఒక్కరోజే 2,184 మంది వైరస్ బారినపడ్డారు. ఫలితంగా కేసుల సంఖ్య 1,44,030కు ఎగబాకింది. ఇప్పటివరకు అక్కడ 1,545 మంది ప్రాణాలు కోల్పోయారు.
- దిల్లీలో కొత్తగా 2,683 మందికి కరోనా సోకింది. దీంతో బాధితుల సంఖ్య 2,90,613కు పెరిగింది. ఇప్పటివరకు అక్కడ 5,510 మంది వైరస్ కారణంగా మృతి చెందారు. కరోనా వ్యాప్తిని దృష్టిలో ఉంచుకొని ఈ నెలాఖరు వరకు పాఠశాలల మూసివేత కొనసాగుతుందని కేజ్రీవాల్ ప్రభుత్వం తెలిపింది.
ఇదీ చూడండి: 'భారత్లో 2021 జులైకి 25 కోట్ల మందికి వ్యాక్సిన్'
