కరోనా ధాటికి ఇబ్బందిపడుతున్న దేశాల్లో భారత్ ఒకటి. అయితే వైరస్ నియంత్రణ చర్యల్లో భాగంగా ఎక్కువ సంఖ్యలో నిర్ధరణ పరీక్షలు నిర్వహిస్తున్నారు. అయితే వాటిల్లో పాజిటివ్ రేటు తక్కువగా ఉండటం శుభపరిణామం. రోజువారీ పరీక్షల్లో దాదాపు 8 శాతానికి దిగువనే బాధితుల సంఖ్య నమోదవుతోంది. ఆదివారం ఈ మేరకు వివరాలను వెల్లడించింది కేంద్ర వైద్య ఆరోగ్యశాఖ.
దేశవ్యాప్తంగా టెస్టింగ్ సామర్థ్యాన్ని గణనీయంగా పెంచినట్లు ఆరోగ్యశాఖ అధికారులు తెలిపారు. జనవరి నాటికి కోటి టెస్టులు చేయగా.. అక్టోబర్ నాటికి ఆ సామర్థ్యం 9.32 కోట్లకు చేరింది. అధిక సంఖ్యలో టెస్టులు చేయడం వల్లే బాధితులను గుర్తించడం సహా ఐసోలేషన్ సేవలు, కరోనా చికిత్స అందించడం సులభం అవుతోందని తెలిపారు. కట్టుదిట్టమైన చర్యల వల్లే దేశంలో మరణాల రేటు కనిష్ఠంగా ఉందని వెల్లడించారు.
కేసులు...
భారత్లో కొత్తగా 61వేల 871 కరోనా కేసులు నమోదయ్యాయి. 1,033 మంది వైరస్ ధాటికి బలయ్యారు. మొత్తం మరణాల సంఖ్య 1,14,031కి చేరింది. అక్టోబర్ 17న.. దేశంలో 9లక్షల 70వేల 173 శాంపిళ్లు పరీక్షించారు. ఫలితంగా మొత్తం టెస్టుల సంఖ్య 9కోట్ల 42లక్షల 24వేల 190కి చేరింది.
ఇదీ చూడండి:
