దేశంలో మరోసారి 20వేలకు దిగువన కరోనా కేసులు నమోదయ్యాయి. తాజాగా 18,732 మందికి కొవిడ్ పాజిటివ్గా నిర్ధరణ అయింది. మొత్తం బాధితుల సంఖ్య 1కోటీ 1లక్షా 87వేల 850కి పెరిగింది. వైరస్ ధాటికి మరో 279 మంది బలవ్వగా.. మృతుల సంఖ్య 1లక్షా 47వేల 622కు చేరింది.
ఇదీ చదవండి: ఎందుకు కొవిడ్-19 అని పిలుస్తారు?
రికవరీ రేటు ఇలా..
తాజాగా 21,430 మంది వైరస్ నుంచి కోలుకున్నారు. ఫలితంగా కరోనాను జయించిన వారి సంఖ్య 97లక్షల 61వేల 538కి చేరింది. 2లక్షల 78వేల 690 యాక్టివ్ కేసులున్నాయి. దేశవ్యాప్త రికవరీ రేటు 95.82 శాతానికి ఎగబాకింది. మరణాల రేటు స్థిరంగా 1.45 శాతంగా నమోదైనట్టు కేంద్ర ఆరోగ్యశాఖ తెలిపింది.
దేశవ్యాప్తంగా శనివారం మరో 9లక్షల 43వేల నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్) వెల్లడించింది. దీంతో మొత్తం టెస్ట్ల సంఖ్య 16 కోట్ల 81లక్షలు దాటింది.
ఇదీ చదవండి: కొత్త వైరస్పై కొవిడ్ టాస్క్ఫోర్స్ సమీక్ష
