భారత వైమానిక దళానికి చెందిన 18వ స్క్వాడ్రన్ ఫ్లయింగ్ బుల్లెట్ల సేవలు ఇవాళ్టి నుంచి ప్రారంభమయ్యాయి. తేజస్ యుద్ధ విమానాలతో కూడిన ఈ రెండో స్క్వాడ్రన్‌ను వైమానిక దళాధిపతి మార్షల్ రాకేశ్ కుమార్ సింగ్ భదౌరియా వైమానిక దళంలో ప్రవేశపెట్టారు. తమిళనాడులోని సూలూరు వైమానిక స్థావరంలో వీటి సేవలకు పచ్చజెండా ఊపారు భదౌరియా.
భారత వైమానిక దళంలోకి 'ఫ్లయింగ్ బుల్లెట్లు'
1971లో పాకిస్థాన్‌తో జరిగిన యుద్ధంలో మిగ్-27 యుద్ధవిమానాలతో కూడిన ఫ్లయింగ్ బుల్లెట్స్....అద్భుత పోరాట పటిమను కనబరిచాయని భదౌరియా కొనియాడారు. ప్రస్తుతం మిగ్-27 యుద్ధవిమానాల స్థానంలో.. పూర్తి స్వదేశీ పరిజ్ఞానంతో రూపొందించిన తేజస్ యుద్ధవిమానాలను ప్రవేశపెట్టనున్నారు. తేజస్ యుద్ధ విమానాలు 18వ స్క్వాడ్రన్ ఫ్లయింగ్ బుల్లెట్స్‌గా సేవలు అందించనున్నాయి.
