పంజాబ్ పోలీసులు మాదక ద్రవ్యాల అక్రమ రవాణా కేసులో ఓ బీఎస్ఎఫ్ జవానును అరెస్టు చేశారు. అతని నుంచి ఆయుధాలను, మందుగుండు సామగ్రి కూడా స్వాధీనం చేసుకున్నారు.
నిందితుడు పంజాబ్లోని గురుదాస్పూర్ జిల్లాకు చెందిన వ్యక్తి. జమ్మూలోని అంతర్జాతీయ సరిహద్దు వద్ద బీఎస్ఎఫ్ జవానుగా విధులు నిర్వర్తించే అతడు.. డ్రగ్స్ స్మగ్లింగ్కు పాల్పడినట్లు గుర్తించిన పోలీసులు వెంటనే అరెస్టు చేశారు.
నిందితుడి నుంచి ఒక పిస్టల్, 9 ఎంఎం క్యాలిబర్ గన్కు సంబంధించిన 80 బుల్లెట్లు, 12 రౌండ్ రైఫిల్కు చెందిన 2 రౌండ్లు, 2 మ్యాగజైన్లు, 3 మొబైల్ ఫోన్లను పోలీసులు స్వాధీనం చేసుకున్నారు.
ట్విస్ట్...
అయితే నిందితుడి పేరు... జమ్మూ లోని సాంబా సెక్టార్లో మోహరించిన బీఎస్ఎఫ్ యూనిట్ జవాన్ల పేర్లలో లేదని అధికారులు తెలిపారు. దీనిపై దర్యాప్తు చేస్తున్నారు.
సరిహద్దు భద్రం
జమ్మూ, పంజాబ్, రాజస్థాన్, గుజరాత్ల్లో... భారత్, పాకిస్థాన్ మధ్య ఉన్న 3,300 కి.మీ సరిహద్దు వెంబడి బీఎస్ఎఫ్ జవాన్లు పహారా కాస్తుంటారు. వారి రక్షణలో దేశం భద్రంగా ఉంటోంది.
ఇదీ చూడండి: హురియత్ నయా చీఫ్ అష్రఫ్ సెహ్రాయ్ అరెస్ట్
