ఓ 11 ఏళ్ల బాలికపై పలుమార్లు అత్యాచారానికి పాల్పడిన ఘటనలో ఇద్దరు మైనర్లను అరెస్ట్ చేశారు పోలీసులు. తమిళనాడు కోయంబత్తూర్లోని సుందరాపురంలో జరిగిందీ దారుణం.
ఇదీ జరిగింది..
చాలా ఏళ్ల క్రితమే తల్లిని కోల్పోయిన ఆ చిన్నారి.. తండ్రి, పిన్నమ్మల వద్దే ఉంటోంది. వారిద్దరూ కూలీ పనులకు వెళ్లడం వల్ల ఇంట్లో ఎవరూ ఉండేవారు కాదు. ఒంటరిగా ఉన్న ఆ బాలిక టీవీ చూసేందుకు పొరిగింటికి వెళ్లేది. అలా వెళ్లిన ఆ చిన్నారికి మాయమాటలు చెప్పి అశ్లీల చిత్రాలను చూపించేవారు నిందితులు. పలుమార్లు బాలికపై అత్యాచారం చేశారు. నిందితులలో పదవతరగతి చదివే ఓ బాలుడు సహా మరో ఇద్దరు ఉన్నారు.
పోక్సో చట్టం కింద కేసు..
ఇటీవల పాప ఆరోగ్యం బాగాలేదని ఆసుపత్రిలో చేర్పించారు కుటుంబ సభ్యులు. విషయం తెలుసుకున్న వైద్యులు.. పోలీసులకు సమాచారమిచ్చారు. ఈ ఘటనకు పాల్పడిన ఇద్దరు మైనర్లను అరెస్ట్ చేసి, పోక్సో చట్టం కింద కేసు నమోదు చేశారు. మరొకడి కోసం గాలిస్తున్నారు.
ఇదీ చదవండి: 20 హత్యల సైనైడ్ మోహన్కు బుధవారం శిక్ష!
