దేశంలో కరోనా మహమ్మారి వేగంగా వ్యాప్తి చెందుతోంది. పలు రాష్ట్రాల్లో కొత్త కేసుల్లో సరికొత్త రికార్డులు నమోదవుతున్నాయి. కర్ణాటకలో ఇవాళ కొత్తగా 6,670 మందికి వైరస్ సోకింది. 101 మంది ప్రాణాలు కోల్పోయారు. రాష్ట్రవ్యాప్తంగా మొత్తం కేసుల సంఖ్య 1,64,924కు చేరింది. ఇప్పటి వరకు 2,998 మంది ప్రాణాలు కోల్పోయారు. ఇవాళ 3,951 మంది వైరస్ నుంచి కోలుకుని డిశ్చార్జి అయ్యారు. కొత్త కేసుల్లో బెంగళూరులోనే 2,147 కేసులు వచ్చాయి.
మహాలో 10వేలకుపైగా..
మహారాష్ట్రలో వైరస్ విజృంభణ కొనసాగుతోంది. ఇవాళ కొత్తగా 10,483 కేసులు, 300 మరణాలు నమోదయ్యాయి. ఇదే సమయంలో 10,906 మంది వైరస్ నుంచి కోలుకోవటం ఊరట నిచ్చే విషయం.
రాష్ట్రవ్యాప్తంగా మొత్తం కేసుల సంఖ్య 4,90,262కు చేరింది. 17,092 మంది ప్రాణాలు కోల్పోయారు. ఇప్పటి వరకు 3,27,281 మంది వైరస్ నుంచి కోలుకున్నారు.
బంగాల్లో..
బంగాల్లో కరోనా మహమ్మారి విజృంభిస్తోంది. ఇవాళ మరో 2,912 మందికి వైరస్ సోకగా.. 52 మంది ప్రాణాలు కోల్పోయారు. మొత్తం కేసుల సంఖ్య 89,666, మరణాలు 1,954కు చేరాయి.
ఇదీ చూడండి: అమెరికాలో 50 లక్షలు దాటిన కరోనా కేసులు
