Flight skids off runway: మధ్యప్రదేశ్ జబల్పుర్ ఎయిర్పోర్ట్లో అనూహ్య ఘటన జరిగింది. ల్యాండ్ అయ్యేందుకు ప్రయత్నించిన ఓ విమానం.. పెను ప్రమాదం నుంచి తప్పించుకుంది. కిందకు దిగే క్రమంలో విమానం.. రన్వే నుంచి పక్కకు జరిగిపోయింది.
శనివారం మధ్యాహ్నం ఈ ఘటన జరిగిందని డైరెక్టరేట్ జనరల్ ఆఫ్ సివిల్ ఏవియేషన్(డీజీసీఏ) అధికారులు తెలిపారు. ఆ సమయంలో విమానంలో 55 మంది ప్రయాణికులు ఉన్నారని చెప్పారు. ఘటనలో ఎవరూ గాయపడలేదని వెల్లడించారు. దీనిపై డీజీసీఏ దర్యాప్తు ప్రారంభించిందని స్పష్టం చేశారు.
alliance air flight skid off
ఈ విమానాన్ని ఏటీఆర్-72గా గుర్తించారు. అలయన్స్ ఎయిర్ సంస్థ దీన్ని నడిపిస్తోంది. దిల్లీ నుంచి ఉదయం 11.30 గంటలకు బయల్దేరిందని తెలిపారు. ఘటన అనంతరం ప్రయాణికులను సురక్షితంగా కిందకు దించినట్లు స్పష్టం చేశారు.
ఇదీ చదవండి: చిరుత మాంసంతో విందు.. చర్మాన్ని విక్రయిస్తూ అడ్డంగా..!
