నవజ్యోత్ సింగ్ సిద్ధూ.. అనూహ్యంగా పీసీసీ పదవికి(punjab congress committee) రాజీనామా చేయటం వల్ల పంజాబ్ కాంగ్రెస్లో సంక్షోభం తీవ్రరూపం(punjab congress crisis) దాల్చింది. రెండు నెలల క్రితమే పదవి చేపట్టిన సిద్ధూ రాజీనామా చేయటం ఇటు రాష్ట్ర పార్టీ వర్గాలతో పాటు, అధిష్ఠానికి షాకింగ్గా మారింది. ఈ క్రమంలోనే బుధవారం అత్యవసరంగా కేబినెట్ సమావేశానికి(punjab cabinet meeting today) పిలుపునిచ్చారు నూతన ముఖ్యమంత్రి చరణ్జీత్ సింగ్ చన్నీ. అత్యవసర మంత్రివర్గ సమావేశం ఏర్పాటు చేయటంతో అసలు రాష్ట్రంలో ఏం జరుగుతోందనే చర్చ మొదలైంది.
సిద్ధూ రాజీనామా చేసిన నేపథ్యంలో మంగళవారం అర్ధరాత్రి వరకు ముఖ్యమంత్రి చన్నీ నివాసంలో పలువురు మంత్రులు సమావేశమయ్యారు. పలు విషయాలపై చర్చించినట్లు సమాచారం. అయితే.. ఎలాంటి సానుకూలాంశాలు కనబడకపోవటం, మంత్రుల మధ్య ఏకాభిప్రాయం కుదరకపోవటం వల్లే.. అత్యవసర కేబినెట్ భేటీ(punjab cabinet meeting today)ని ఏర్పాటు చేసినట్లు పార్టీ వర్గాల్లో చర్చ జరుగుతోంది.
" చండీగఢ్లోని మా నివాసంలో ముఖ్యమంత్రి చరణ్జీత్ సింగ్ చన్నీతో అర్ధరాత్రి వరకు చర్చలు కొనసాగాయి. "
- మన్ప్రీత్ సింగ్ బాదల్, ఆర్థిక శాఖ మంత్రి.
పంజాబ్కు హరీశ్ రావత్..!
రాష్ట్ర పార్టీలో తలెత్తిన సంక్షోభాన్ని పరిష్కరించేందుకు కాంగ్రెస్ రాష్ట్ర ఇంఛార్జ్ హరీశ్ రావత్ బుధవారం దిల్లీ నుంచి పంజాబ్కు రానున్నారు. సిద్ధూతో భేటీ అయి.. తన రాజీనామాను వెనక్కి తీసుకునేలా బుజ్జగించే అవకాశాలు ఉన్నాయని పార్టీ వర్గాలు తెలిపాయి.
ఇదీ చూడండి: కాంగ్రెస్కు మరో షాక్- పీసీసీ చీఫ్ పదవికి సిద్ధూ రాజీనామా
