Accident In Karnataka: బెంగళూరులోని హోసకోట్ మండలం అత్తూరులో జరిగిన రోడ్డు ప్రమాదంలో నలుగురు విద్యార్థులు దుర్మరణం చెందారు. మరో ఇద్దరికి తీవ్రగాయాలయ్యాయి.
విద్యార్థులు ప్రయాణిస్తున్న కారు జాతీయ రహదారి 75పై డివైడర్ పైనుంచి పల్టీ కొట్టి లారీని ఢీకొట్టడం వల్ల ఈ ప్రమాదం జరిగింది.
మృతిచెందిన విద్యార్థులను వైష్ణవి, భరత్, సిరిల్, వెంకట్గా గుర్తించారు పోలీసులు. వీరంతా గార్డెన్ సిటీ కాలేజీలో చదువుతున్నట్లు తెలిపారు. విద్యార్థులంతా సరదాగా బయట తిరిగేందుకు వచ్చినట్లు సీపీ మంజునాథ్ తెలిపారు. ఈ ఘటనపై కేసు నమోదు చేసి దర్యాప్తు చేపట్టామన్నారు.
Accident In Chhattisgarh: ఛత్తీస్గఢ్లోని రాయ్పుర్ హైవేపై ఘోర రోడ్డు ప్రమాదం జరిగింది. కారు డివైడర్ను ఢీకొట్టిన ఘటనలో ఆరుగురు మహిళలు మృతిచెందారు. డ్రైవర్ సహా ఐదుగురు గాయపడ్డారు. బుధవారం ఉదయం అభన్పుర్ పోలీస్ స్టేషన్ పరిధిలోని కేంద్రీ గ్రామం వద్ద జాతీయ రహదారి (ఎన్-30)పై ఈ ఘటన జరిగింది.
" ప్రమాద సమయంలో కారులో 11 మంది కార్మికులు ఉన్నారు. వారంతా దుర్గ్ జిల్లా భిలాయ్ నుంచి గరియాబాద్లోని రజిం నగరానికి వెళ్తున్నారు." అని రాయ్పుర్ అదనపు ఎస్పీ కీర్తన్ రాఠోడ్ తెలిపారు.
గాయాలైన ఐదుగురిలో నలుగురి పరిస్థితి విషమంగా ఉన్నట్లు పోలీసులు తెలిపారు. వారిని రాయ్పుర్లోని ప్రభుత్వ ఆస్పత్రికి తరలించామన్నారు. మృతిచెందినవారు రీనాదాస్, సవితా దాస్, సుచిత్ర సాహా, కాజల్ కర్మాకర్, అర్చన మలా, రీనా చౌదరిగా గుర్తించామన్నారు.
ఈ ఘటనపై ఛత్తీస్గఢ్ సీఎం భూపేశ్ భఘేల్ విచారం వ్యక్తం చేశారు. మృతుల కుటుంబాలను అన్నివిధాల ఆదుకుంటామని హామీ ఇచ్చారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.
ఇదీ చూడండి: కంటైనర్ను ఢీకొట్టిన కారు.. ఆరుగురు మృతి
