తనను వదిలి వెళ్లిందన్న కోపంతో ఓ 50 ఏళ్ల మహిళను తన ప్రియుడు పట్టపగలే హత్య చేసిన ఘటన కేరళలో వెలుగుచూసింది. మహిళను హత్య చేసిన తర్వాత పరారైన నిందితుడు గురువారం పోలీసుల చేతికి చిక్కాడు. విచారణలో నిజాన్ని ఒప్పుకున్నాడు.
పోలీసుల కథనం ప్రకారం.. కేరళలోని కిలిమానూర్లో నివసిస్తున్న రాజేశ్ అదే ప్రాంతంలో జ్యూస్ షాపు నడుపుతూ జీవనం సాగించేవాడు. ఈ క్రమంలో వాలయిలకు చెందిన సింధు అనే మహిళతో అతడికి పరిచయం ఏర్పడింది. అలా వారిద్దరూ 12 ఏళ్లుగా లివ్ ఇన్ రిలేషన్షిప్లో ఉన్నారు. అయితే గత నెలలో వారిద్దరి మధ్య గొడవల రావడం వల్ల రాజేశ్కు దూరమైన సింధు మరో ఇంట్లో నివసిస్తోంది. ఇక సింధు తన దగ్గరకు తిరిగి రాదని భావించిన రాజేష్ ఆమెను హతమార్చేందుకు ప్లాన్ చేశాడు.
అలా గురువారం ఉదయం ఓ బస్సు ఎక్కి సింధు దిగిన స్టాప్లోనే దిగాడు. కాసేపు తర్వాత ఆమెపై కత్తితో దాడికి పాల్పడ్డాడు. మెడతో పాటు చేతిపై గాయలవ్వడం వల్ల అపస్మారక స్థితికి చేరుకున్న సింధును స్థానికులు హుటాహుటిన ఆస్పత్రికి తరలించారు. అప్పటికే ఆమె మృతి చెందినట్లు వైద్యులు తెలిపారు.
పోక్సో కేసు నిందితుడిని..
ఓ కేసు విషయమై పోక్సో నిందితుడిని అరెస్టు చేసేందుకు వెళ్లిన ఓ పోలీస్ ఆఫీసర్ ఆ యువకుడిని సెక్స్లో పాల్గొనమని ఒత్తిడి చేశాడు. అంతే కాకుండా అతడిని లంచం కూడా అడిగాడు. ఈ ఘటన కేరళలోని తిరువనంతపురంలో జరిగింది. భయపడ్డ బాధితుడు పోలీస్ స్టేషన్లో ఫిర్యాదు చేయగా సదరు పోలీస్ ఆఫీసర్ను అదుపులోకి తీసుకున్నారు. అయితే ఇదివరకే లంచం ఆరోపణల విషయమై ఆయన సస్పెన్షన్లో ఉన్నట్లు తెలిసింది.
ఇదీ చదవండి:
