ప్రేయసి కోసం వెళ్లి బావిలో దూకిన ప్రియుడు చివరకు జాక్​పాట్

ప్రేయసిని కలిసేందుకు అర్ధరాత్రి ఆమె ఇంటికి వెళ్లిన ఓ వ్యక్తి యువతి కుటుంబ సభ్యులకు అడ్డంగా బుక్కయ్యాడు. బిహార్​లోని ఛప్రా జిల్లాలో ఈ ఘటన జరిగింది. గడ్కా పోలీస్ స్టేషన్ పరిధిలోని మోతీరాజ్​పుర్​లో ఉండే మున్నా రాజ్ అనే వ్యక్తి శనివారం అర్ధరాత్రి తన గర్ల్​ఫ్రెండ్ ఇంటికి వెళ్లాడు. రాత్రివేళ శబ్దాలు రావడాన్ని గమనించిన యువతి కుటుంబ సభ్యులు లేచి చూశారు. ఇంట్లోకి వచ్చిన మున్నా రాజ్​ను తరిమేందుకు ప్రయత్నించారు. దీంతో తనను తాను కాపాడుకునేందుకు దగ్గర్లోని బావిలోకి దూకేశాడు మున్నా. ఉదయం గ్రామస్థుల సాయంతో యువతి కుటుంబ సభ్యులు అతడిని తాళ్లతో బయటకు తీశారు. అనంతరం ఈ ఘటనపై పంచాయతీ పెట్టారు. గ్రామపెద్దలు యువతి కుటుంబ సభ్యులతో మాట్లాడారు. వారిని ఒప్పించి మున్నా రాజ్​కు యువతినిచ్చి స్థానిక ఆలయంలో వివాహం జరిపించారు.