ప్రకాశం జిల్లా అద్దంకి మండలం ధర్మవరం సమీపంలోని కొండపై గుప్త నిధుల కోసం గుర్తు తెలియని వ్యక్తులు తవ్వకాలు జరిపారు. గొర్రెల కాపరులు రావడాన్ని గమనించిన ఆ అపరిచితులు.. తమ సామగ్రిని అక్కడే వదిలి వెళ్లిపోయారు. ఈ ప్రాంతం గతంలో జైనులకు స్థావరంగా ఉండేది. గతంలో.. కొండ దిగువ భాగాన గతంలో మట్టి తవ్వకాలు జరుపుతుండగా ఆ కాలంనాటి సమాధులు కూడా బయట పడ్డాయి.
గొర్రెల కాపరుల ద్వారా విషయం తెలుసుకున్న గ్రామస్థులు.. ఘటనా స్థలాన్ని పరిశీలించారు. తవ్వకాలకు ఉపయోగించిన పనిముట్లు, పసుపు కుంకుమ, టెంకాయలు, పూజా సామాగ్రి, ఆహార పదార్ధాలను గుర్తించారు. తరచూ ఈ ప్రాంతంలో తవ్వకాలు జరుగుతున్నాయని చెప్పారు. ఇప్పటికైనా అధికారులు.. గుప్త నిధుల తవ్వకాలు చేపట్టే వారిపై నిఘా ఉంచాలని గ్రామస్థులు కోరుతున్నారు.
ఇదీ చదవండి:
'ట్రాఫిక్ నిబంధనలు పాటిస్తూ.. ప్రమాదరహిత శనివారంగా పాటిద్దాం'
