Sindhu Singapore Open: అద్భుత ఫామ్లో ఉన్న భారత బ్యాడ్మింటన్ క్రీడాకారిణి, రెండు సార్లు ఒలింపిక్ పతక విజేత పీవీ సింధు.. సింగపూర్ ఓపెన్ ఫైనల్లో అడుగుపెట్టింది. శనివారం జరిగిన సెమీస్లో జపాన్ షట్లర్ సయెనా కవాకమీని చిత్తు చేసింది. 21-15, 21-7 తేడాతో వరుస సెట్లలో ఓడించింది. మ్యాచ్ 32 నిమిషాల్లోనే ముగియడం విశేషం.
2022 సీజన్లో తొలి సూపర్ 500 టైటిల్ను చేజిక్కించుకునేందుకు మరో అడుగు దూరంలో నిలిచింది సింధు. ఈ ఏడాది.. రెండు సూపర్ 300 టైటిళ్లు గెల్చుకుంది భారత స్టార్ బ్యాడ్మింటన్ ప్లేయర్.. ఇందులో సయ్యద్ మోదీ ఇంటర్నేషనల్, స్విస్ ఓపెన్ ఉన్నాయి.
